Zana Roj/ Şehba
Di salvegera 5‘emîn a dagirkirina herêma Efrînê ji aliyê dagirkeriya Tirk û çeteyên wê ve, gelê Efrîn û şehbayê meşek girseyî li navçeya Til Rifetê lidarxistin û soza rizgarkirina Efrîmnê nû kirin .
Îro 5’emîn savlegera dagirkirina herêma Efrînê ji alyê dewleta Tirk a faşîst û çeteyên girêdayî wê ve ye. Ji bo şermezarkirina vê roja reş ya di dîroka Kurdan de, koçberên Efrînê û gelê herêma Şehbayê bi hezaran daketin qadan û meşek girseyî li navçeya Til Rifetê lidarxistin, meş ji çarxereya Til Rifetê destpêkir û li hola bazarê hat bidawîkirin. Di despêka meşê de bi deqeyekê rêzgirtinê li ser giyana cangoriyên azadiyê hat sekinandin.
Di meşê de li ser navê Rêveberiya Xweser Bekir Elo û li ser Kordînasyona Kongra Star ya Efrînê û Şehbayê Menal Şêxo ve, axaftin hatin kirin.
Derbarê salvegera 5’emîn a dagirkirina Efrînê de, endama Kordînasyona Kongra Star Elîf Bekir ji rojnameya me re axivî.
Elîf di axaftina xwe de anî ziman ku gelê Efrînê di derbasbûna 5 saliya dagirkeriyê de,dîsa jî bi îradeyeke xurt berxwedaniyê dide meşandin û wiha got: “Di van salin ku me li herêma Şehbayê derbas kirine, tu carê gel dest ji biryara vegera Efrînê bernedaye, nîşaneya wê jî, ku tevayiya gelê Efrînê û hemû pêkhateyên ku di Şehbayê de jiyan dikin, bi yek hedef û armancê daketina qadan û soza berxwedaniyê û têkoşînê dûbare kirin”.
Elîf di dawiya axaftina xwe de da xuyakirin ku armanca dagirkirina Efrînê, têkbirina îradeya gel bû û wiha got: “Armanca dagirkeriyê û hevkarên wê ji dagirkirina Efrînê, têkbirina îradeya gel û deskeftiyên ku bi saya têkoşînê hatine bidestxistin, Tevî ku dagirkeriyê em bi darê zorê ji Efrînê derxistin jî, lê nikarîbû armancên xwe bi dest bixe. Israrbûn û îrade jiyan kirinê, bi serê xwe valaderxistina armancên dijmin e, mînaka herî zindî jî kombûna gel di vê rojê de misogeriya rizgarkirina Efrînê ye”.