Navenda Nûçeyan
Danişîna yekê ya doza ’Komkujiya Nexweşaneyê’ ya ku 3 kesên Malbata Şenyaşar tê de hatibûn qetilkirin, piştî 4 sal û 4 mehan li 5’emîn Dadgeha Cezayê Giran a Meletiyê dest pê kir.
Danişîna ewil a doza ’Komkujiya Nexweşaneyê’ ya ku 3 ferdên Malbata Şenyaşar ji aliyê xizm û parêzvanên parlamenterê AKP’ê yê Rihayê Îbrahîm Halîl Yildiz ve hatibûn qetilkirin, piştî 4 sal û 4 mehan li 5’emîn Dadgeha Cezayê Giran a Meletiyê dest pê kir, didome. Di çarçoveya dosyeyê de Celal Yildiz, Mekaîl Şîmşek û Enver Yildiz ê ji doza ’kargehê’ girtiye jî di nav de 19 kes bi sûcên ’Kuştina ji yekî zêdetir’ , ’hewldana kuştina ji yek kesî zêdetir’ , ’Zirar dayîna malê cemaweriyê’ , ’Veşartin û ji holê rakirina delîlên sûc’ , ’Li saziya cemaweriyê dizî’ û ’binpêkirina destnedayîna kargehê’ tên darizandin.
Danişînê piştî tespîta nasnameyan dest pê kir. Girtî Mekaîl Şîmşek û Celal Yildiz ji Girtîgeha Tîpa T ya Hejmara 2’yan a Rihayê bi SEGBÎS’ê tev li danişînê bûn. Bersûcên negirtî tên darizandin jî beşdarî danişînê bûn. Parlamenterê AKP’ê Îbrahîm Halîl Yildiz jî bi parazvanên xwe hate adliyeyê.
Pişt re baroyên Wan, Amed, Sêrt û Êlihê daxwaza mûdaxîltiyê kirin. Dozgeriyê xwest ku daxwaza mudaxîltiyê ya hemû baroyan were redkirin. Şandeya dadgehê, mudaxîltiya Malbata Şenyaşar qebûl kir û bi hinceta baroyan rast e rast zirar nedîtiye daxwaza wan a mudaxîltiyê qebûl nekir.
Pişt re ji bersûcan Mekaîl Şîmşek ê di çarçoveya dosyayê de girtî ye ji girtîgeha lê girtî bi SEGBÎS’ê parastin kir. Dadgehê jî weke li dijî hiqûqa ûsûlê ewilî îfadeya Şîmşek a di asta hêzên ewlehiyê de xwend. Li dijî vê parêzerên Malbata Şenyaşar îtîraz kirin. Pişt re yek ji bersûcê girtî Celal Yildiz bi SEGBÎS’ê tevli danişînê bû û parastin kir, li gorî hat zanîn danaşîn a yekê didome.
Hejayî bîranînê ye ku malbata Şanyaşar 680 rojin bê navber, li ber avahiyê Adeletê! Nobeta Adeletê digirin û ji bo doza yekem jî dayîka Emîne bangawazî kiribû ku hemû jin û walatiyên xwedî wijdan tevlî vê dozê bibin û li dijî bê Adeletiyê xwedî helwest bin.
Çavkanî Mezopotamya Ajans
