Navenda Nûçîeyan
Navenda Ragihandin û Çapemeniyê ya HPG’ê ragehand ku artêşa Tirk a dagirker çeperên berxwedanê yên li herêma Çamçoyê carekê bi bombeyên qedexe û 7 caran jî bi çekên kîmyewî bombebaran kir.
Navenda Ragihandin û Çapemeniyê ya HPG’ê bi daxuyaniyekê diyar kir ku di çalakiya hêzên wan li Zapê, dagirkerek hatiye cezakirin. HPG’ ragehand ku artêşa Tirk a dagirker carekê bi bombeyên qedexe, 7 caran bi çekên kîmyewî, bi dehan caran jî bi obus, tank, hawan û çekên giran çeperên berxwedanê yên gerîla bombe kirin.
HPG’ê da xuyakirin ku di çarçoveya Pêngava Şoreşgerî ya Bazên Zagrosê de li herêma Zapê, di 13’ê Çileyê de saet navbera 11:50 û 12:50’an de li nêzî herêma Çemço ya nehiya Şêladizê ya navçeya Amediyê tîmên wan yên bi tevger bi çekên giran du caran li dagirkeran dan. Di vê çalakiya hêzên wan de dagirkerek hate cezakirin.
HPG’ê derbarê êrîşên ku artêşa Tirk a dagirker yên bi bombeyên qedexekirî û çekên giran wiha got: “Di 13’ê Çileye de çeperên berxwedanê yên gerîla yên li nêzî herêma Çemço ya girêdayî nehiya Şêladizê ya Amediyê ji saetên sibehê heta êvarê carekê bi bombeyên qedexekirî û 7 caran jî bi çekên kîmyewî hatin bombekirin. Di 13’ê Çileyê de qada ava Lolan a Xakurkê carekê bi balafirên şer hate bombekirin.
HPG’ê da xuyakirin ku di 13’ê Çileyê de qadên Geliyê Lolan û Girê Şehîd Kamûran ên Xakurkê, qada Berxwedanê ya Girê FM û çeperên berxwedanê yên gerîla yên li nêzî gundê Sîda û herêma Çemço ya nehiya Şêladizê ya navçeya Amediyê bi obus, tank, hawan û çekên giran bi dehan caran hatin bombekirin.
