Hêzên Rizgariya Efrînê (HRE) ragehand ku di encama çalakiyên wan yên 2022an de, 204 dagirker hatine kuştin û 139 dagirker jî birîndar bûne.
Hêzên Rizgariya Efrînê( HRE ) bi daxuyaniyekê bêlançoya 2022’an ragehand.
HRE’yê di daxuyaniya xcwe de diyar kir ku di sala 2022ʹyan an de êrişên artêşa Tirk û komên çete bi awayekî dijwar dewam kirin û wiha got: “Piştî ku Efrîn hat dagirkirin, gelê me yê ku ji cih û warê xwe koçber bû, her roj bi êrişên dijwar re rû bi rû ma. Artêşa Tirk û komên çete ku tu qanûnên şer nas nakin, li hember gelê me her cure êrişên dijmirovî kirin. Di heremên dagirkirî de jî mirovên welatparêz û birûmet rastî her cure kuştin, revandin û îşkenceyan hatin. Dîsa ji bo guherandina demografiya heremê polîtîkayên qirêjî yên dewleta Tirk di sala 2022ʹyan an de jî dewam kir. Li gel guherandina demografiyê, ne tenê mirov, erdnîgariya Efrînê jî gelek caran bû armanca êrişan. Artêşa Tirk û çeteyên wê ne tenê dijminê gelê heremê ye, di heman demê de dijminê xwezayê ye jî. Di encamê topbaranên ku êdî di heremê de bûne rûtîn de, xwezayê heremê zirarên mezin dît. Li kêleka wî, çeteyên diz û talanker ji bo berjewendiyên xwe yên şexsî, daristanên heremê tune kirin.”
HRE’yê ragehand ku li di nav sala 2022ʹyan de çalakiyên wan yên tolhildan û bersivdayinê jî bi awayek xurttir dewam kirin û wiha dewam kir: “Di sala 2022ʹyan de, êrişên topbaranê ya artêşa Tirk a dagirker û çeteyên wê li ser herêmê bê navber dewam kir. Seranserê salê heremên me 27 hezar û 498 caran bi obus, havan û tankan ve hatin topbarankirin. 18 caran êrişên balafirên şer û 13 caran jî êrişên bi dronan çêbûn. Di encama van êrişan de yek jê zarok, 7 welatiyên sivîl şehîd ketin, 10 jê zarok 44 welatî jî birîndar bûn. Di sala 2022ʹyan de, li hember artêşa Tirk a dagirker û çeteyên wê 70 çalakî hatin lidarxistin. Di encama van çalakiyan de 20 polîsên taybet (PÖH), 72 leşkerên artêşa Tirk û 112 çete hatin kuştin û 16 polîsên taybet, 67 leşker û 56 çete jî birîndar bûn.”
Hêzên Rizgariya Efrînê (HRE) da xuyakirin ku di sala 2022ʹyan de 19 hevrêyên wan gihaştin şehadetê.
