HPG’ê ragehand ku artêşa Tirk a dagirker, 13 caran bi çekên kîmyawî êrîşî çeperên berxwedanê yên gerîla kirin.
Navenda Ragihandin û Çapemeniyê ya HPG’ê bi daxuyaniyekê ragehand ku artêşa Tirk a dagirker 13 caran bi çekên kîmyawî êrîşê çeperên berxwedanê kir.
HPG’ê di daxuyaniya xwe de diyar kir ku rtêşa Tirk a dagirker çeperên berxwedanê yên gerîla 2’ê Çileyê ji saet 13:00 heta bi nîvê şevê 13 caran bi çekên kîmyewî bombe kir, malzemeyên plastîk û lastîkên wesayitan şewitand û dûyê bi jehr ber bi çeperên berxwedanê yên gerîla ve şand. Di heman demê de 6 caran bi balafirên şer, bi dehan caran jî bi obus, tank û çekên giran bombe li qadên gerîla barand.
HPG’ê da xuyakirin ku di 2’ê Çileyê ji saet 13:00 heta bi nîvê şevê, li nehiya Şêladizê ya Amediyê 13 caran bi çekên kîmyewî bombe li çeperên berxwedanê yên gerîla yên li nêzî qada Çemçoyê hatin barandin. HPG’ê da zanîn ku dagirkeran di heman demê de malzemeyên plastîk û lastîkên wesayitan hatin şewitandin û dûyê bi jehr hewl dan bişînin nava çeperên berxwedanê.
HPG’ê diyar kir ku di 2’ê Çileyê derdora gundê Kanîsarkê yê Garê û Qada Deşta Kafya 6 caran bi balafirên şer hatin bombekirin. Her wiha di 2’ê Çileyê li nêzî navçeya Amediyê, Qada Berxwedanê ya Girê Hakkarî û çeperên berxwedanê yên gerîla yên li nêzî gundê Sîda û qada Çemçoyê bi dehan caran bi obus, tank û çekên giran hatin bombekirin.
