DILYAR CIZÎRÎ
Siyaseta dewleta Tirk ya ji bo tinekirin û qirkirina gelê kurd, li gelek qad û deveran bê navber didome. Bingeha van êrişan tecrîda girankirî ya li ser Rêber APO ye. Li Başûrê Kurdistanê jî bi êrişên li ser herêmên Zap, Metîna û Avaşînê dewam dike. Li Bakur û Rojhilatê Sûriyayê jî bi hedefgirtina sivîlan û rûxandina binesaziya herêmê û bombebarana bi balafiran pêk tê. Hemû êriş bi yek konseptê û bi armanca tinekirina gelê kurd û tevgera wî ya azadiyê ye.
Komkujiya li Parîsê di çarçoveya heman konseptê de pêk hatiye. Dibe cih û şêvazê êrişan cûda be, lê armanc û plan, bi yek zihniyetê tê kirin. Bi wate her çendî rê û rêbaz cûda bin jî, kujer û plan ji yek navendê derketi ye. Heta êrişa şaneyên DAIŞ’ê ya li taxa Diriyê ya Reqayê jî di heman çarçove û planê de pêk hatiye. Ji ber her kes dizane ku fermandar û berpirsên DAIŞ’ê li herêmên Sûriyê yên di bin dagikeriya Tirkiyê de, têne meşandin. Ango çeteyên DAIŞ’ê di bin fermandariya artêşa Tirk de tevdigerin û êrişan pêk tînin.
Dema em behsa plan û navenda êrişan dikin, pêwîste em behsa berxwedan û bersivdayînê jî bikin. Navenda Ragihandinê ya HPG’ê daxuyaniyekê ragihand ku artşa tirk neçar bû ji gelek herêmên Zap û avaşînê vekişin. Ev serkeftina gêrîla, bi berxwedana Rêber Apo ya li Imralî re girêdayiye û beşekî mezin ji planên qirkirinê vala derxistin.
Di encama wê de gelê Bakur û Rojhilatê Sûriyê li ber xwe da û li beranberî êrişên bê serûber yên dewleta Tirk, berxwedanek mezin nîşan dan. Her çendî balafirên şer, gelê sivîl û binesaziya herêmê bombebaran kir û rojnamevan jî di nav de, sivîl şehîd xistibin jî berxwedana gelê herêmê hemû planên wan vala derxistin.
Herwiha berxwedana gelê kurd û dostên wan a li dijî komkujiya 2’emîn a li Parîsê, serkeftinek din a li dijî planên qirkeran bû. Ev çend roj in gelê kurd li dijî êrişan bê navber li ser piyane û çalakî û berxwedanên xwe bê navber didomînin.
Her çendî hikûmeta AKP/MHP’ê li Bakurê Kurdistanê jî qirkirina siyasî dide meşandin, em dinerin li Bakurê Kurdistanê û Tirkiyê jî li dijî komkujiya li Parîsê çalakiyên bi heybet têne lidarxistin
Di vir de me çawa beriya niha got, ‘êriş bi yek konseptê û ji yek navednê tê birêvebirin’ pêwîste em bizanin berxwdan jî di heman demê de bi yek armancê, bi rêve biçe.
Lewra em dikarin di serî de, ji dijminê xwe û hemû kesî re bêjin, ‘êdî kurd ne kurdên berê ne’. Kurdên niha, kurdên ku bi hêman, fikir û felsefeya Rêber Abdulah Ocalan hatine perwedekirin in. Êdî wê ti kes di cîhanê de nikaribe kurdan li gorî berjewndiyên xwe birêve bibe.
Ev jî nîşan dide ku wê tu hêzên cîhanê, nikaribin bêyî kurdan dîzayneke nû di herêmê de pêk bînin; Piştî sedsala Lozanê wê ne mumkin be ku bêyî kurda,n itîfaqên xwe nû bikin. Ji ber wê jî, ji her demê zêdetir pêwîstiya me kurdan bi Yekîtiya Netewî heye.
