Sozdar Demîr
Dewleta Tirk a faşîst bi êrişên xwe yên qirêj re dixwaze xwe bigihîne lutkeyê û armanc dike ku bi komkujiyên weke yên li Parîsê, Kurdan qir bike û tiştekî bi navê kurdîtî li holê nehêle. Herkes baş dizane li pişt van komkujiyan hemûyan jî dewleta Tirk a faşîst a AKP- MHP heye. Lê, xwe bêdeng dikin. Ewleta Tirk a faşîst ji bîr dike ku Kurdên tama azadiyê dîtin, wê heya dawiyê têkoşîn bikin û li hemberî van komkujiyan serî netewînin.
Li ser vê komkujiyê li Kurdistanê û derveyî welat gelek daxuyanî hatin dayîn û bê navber çalakiyên protestoyî têne li dar xistin. Gelo ev daxuyaniyên ku ji derveyî welat û yên Tirkiyê û ji Başûrê Kurdistanê hatin dayîn, çiqas têrkerin? Ger ku were bîra we beriya niha bi 10 salan jî li heman cihî komkujî hatibû pêkanîn û dîsa 3 jinên pêşeng yên kurd hatibûn hedef girtin. Wê demê jî dîsa heman daxuyanî hatibûn dayîn û herkesê xemgîniya xwe anibû ziman û di wan daxuyaniyên xwe yên şermok de, ne ew komkujî ronî kirin û ne jî karîn kujeran darizînin. Yên ku pişt perdeyê jî dîsa dihatin nasîn lê, derveyî rêhevalçn van şoreşkeran kesekê bi zalalî negot ka kîn e. Dîsa heman daxuyanî tên dayîn û heman seneryo tê dubare kirin. Lê dewleta Tirk bi xwe dizane ku hemû jinên Kurd yên bi fikir û ramanên Rêber APO xwe bi rêxisitn kirin û di Rojhilata Navîn de pêşengiyê dikin, tu car ne li hember wê nejî li hember tu dîktatoran serî natewînin û ev êrişên hov jî yên tirsa dilê dîktatoran e.
Ji bo na ku bûyera komkujiya beriya niha bi 10 salan ya li Fransayê ku kujerên Sakîne Cansiz, Fîdan Dogan û Leyla Şaylemez neyê eşkere kirin, kujer Omer Guney bi awayekê gumen li zindanê mir û dewleta Fransa jî li ser dosyayê girt.
Di komkujiya 23’ê Kanûnê de pêşeng, hunermend û welatparêz bûn hedef, em hemû baş dizanin ku ev komkujî û yên berî wê ku 9’ê Çile dîsa li Parîsê, 28’ê Kanûnê li Roboskî, ya Silopya û Silêmaniyê ne tesaduf in. Ev êriş û komkujî raste rast ji aliyê MÎT a Tirk ve hatine organîzekirin. Çawa ku îro Hewlêr bûye navenda parastina MÎT’ê, li Fransa jî ferqa xwe tune ye û heman tişte.
Îro em dibînin ku MÎT a Tirk li navenda Fransa Parîsê çawa navendên xwe çêkirine û weke nêçîrê zalim, ketiye pey pêşeng û şoreşgeran.
Ger ku Dewleta Fransa û Yekitiya Ewropa ji bo zelalkirina vê rewşê gavekê neavêjin û ji bo zelalkirina vê bûyerê tiştekê nekin, wê demê tê wateya ku dewleta Tirk û Fransa hevkar û şirîkê van komkujiyan e.
Bi van komployan xwestin vîna gel bişkînin; bi van komkujiyan, gelê Kurd tine bikin. Lê ev Şoreşa ku bi jinê destpêkirî nikarin tine bikin û heya ku jinek hebe jî wê ev şoreşe hebe û gelê kurd wê li beranberî van komplo û komkujiyên plankirî bêdeng namîn e. Wê jina Kurd hesabê hemû komkujiyan bipirse û wê ti caran di têkoşîna xwe de gavan paşde nede….