Navenda Nûçeyan
QSDʹê nasnameyên du şehîdên bersivdayîna êrişa çeteyên DAIŞʹê ya li ser Navenda Hêzên Ewlekariya Hundirîn a Reqayê eşkere kirin.
Navenda Ragihandinê ya Hêzên Sûriya Demokratîk (QSD) bi daxuyaniyekê nasnameyên du şervanên xwe yên ku di bersivdayîna êrişa çeteyên DAIŞʹê ya li ser navenda Hêzên Ewlekariya Hundirîn a bakurê rojavayê Reqayê de şehîd bûbûn, eşkere kirin.
QSD’ê di daxuyaniya xwe de diyar kir ku rêxistina ʹDAIŞʹ a terorîst hîna xetereyeke mezin li ser herêmên Bakur û Rojhilatê Sûriyê û tevahî cîhanê çêdike û wiha got: “Rêxistina ʹDAIŞʹ a terorîst tevahî destek û piştgiriyê ji dewleta Tirk a dagirker, bi taybet ji herêmên ku li Sûriyê dagir kirine, wekî Serêkaniyê û Girê Spî digire.”
QSD’ê da xuyakirin ku êrişa terorî ya şaneyên rêxistina terorîst a 26ʹê Kanûnê ya li ser bajarê Reqayê, piştî rêgeza êrişên dewleta Tirk a dagirker û çeteyên wê yên li ser herêmên cûda yên Bakur û Rojhilatê Sûriyê hatin kirin û wiha got: “Piştî gefên Tirkiyê yên pêknîna êrişeke leşkerî li ser herêmên me şaneyên terorîst çalaktir bûn. Dema bersivandina êrişa terorîstan, du şervanê; Omer Feyad El Nasir (Qenas) Ehmed Nasir Silêman (Ciwan) yên ku mîsyona parastina herêmê pêk dianîn, piştî berxwedaneke mezin li hemberî terorîstan meşandin û êrişa wan têk birin, gihiştin asta şehadetê”
Hêzên Sûriya Demokratîk (QSD) da xuyaniya xwe wiha qedand: “Em sersaxiyê ji xwe, tevahî malbatên şehîdên xwe û gelê xwe re dixwazin. Heman demê em teqez dikin ku xwîna şehîdên me wê vala neçe. Em ê tolê ji sûcdarên qatilan hilînin. Em ê operasyonên xwe dewam dikin heta ku rêxistina terorîst ji kolê rakin.”
Nasnameyên şehîdan wiha ne:
Nasnav: Qenas, Nav û paşnav: Omer El Nasir
Navê dayikê: Lemya , Navê bav: Feyad
Cihû dîroka jidayikbûnê: Dêrazor/ 1999
Cih û dîroka şehadetê: Reqa- 26ʹê Kanûna 2022ʹyan
Nasnav: Ciwan , Nav û paşnav: Ehmed Silêman
Navê dayikê: Eyşe , Navê bav: Nasir, Cih û dîroka jidayikbûnê: Girê Spî 2002
Cih û dîroka şehadetê: Reqa/ 26ʹê Kanûna 2022ʹyan”