Navenda Nûçeyan
KCK’ê diyar kir ku gelê Kurdistanê yê welatparêz û dostên wan wê têkoşîna demokrasî, edalet û azadiyê bi ser bixînin û hesabê herî mezin ji mêtingeriya qirker bipirsin
KCK’ê diyar kir bi wesîleya salvegera Komkujiya Roboskî Hevserokatiya Konseya Rêveber a KCK’ê daxuyaniyeke nivîskî weşand
KCK’ê di daxuyaniya xwe de diyar kir ku Komkujiya Roboskî yek ji bi dehan komkujiyên ku li ser esasê dijminatiya Kurdan pêk hatiye.û wiha got: “Ev komkujî dijmatiya dewleta Tirk a li ser gelê Kurd bi awayekî eşkere datîne holê. Li Roboskî 34 Kurdên sivîl bi awayekî hovane û zalimî hatin qetilkirin. Ev qetlîam a ku sûcekî mezin ê qirkirinê ye, pêwistî bi darizandin û hesabpirsînê heye. Lê tu carî lêpirsîn li ser wê nehatiye destpêkirin. Di feraset û pratîka dewleta Tirk de ne kuştina Kurdan lê nekuştina Kurdan sûc e. Kurd tenê dema ku dev ji Kurdbûna xwe berde dikare bijî. Ji xeynî vê derfeta jiyînê nadin Kurdan.”
KCK’ê da xuyakirin ku l Tirkiyeyê rêya desthilatdariyê û desthilatdarbûyînê qirkirina Kurdan e, dewamkirina qirkirinê ye û wiha got: “Komkujiya Roboskî xwedî taybetmendiyeke welê ye ku vê rastiyê radixe pêş çavan. AKP’ê û serkêşê wê yê faşîst dîktator Erdogan serî li vê rêbazê da û qirkirina Kurdan her roj hîn bêhtir mezin kir, bi vî rengî hewl da bibe desthilatdar û desthilatdariya xwe dewam bike.”
KCK’ê da zanîn ku bi avabûna tifaqa AKP-MHP’ê re polîtîkaya qirkirina Kurdan li ser bingeha plana Mîsakî-Mîllî bi êrîşên herî berfireh ên dagirkeriyê hate meşandin û wiha got: “Li çar parçeyên Kurdistanê û li her devera Kurd lê ne êrîşan dike, komkujiyan dike. Ji Bakur heta bi Başûr, Şengal, Mexmûr, Rojava û Ewropayê ev polîtîka tê meşandin. Mînaka herî dawî ya vê yekê jî Komkujiya Parîsê ya duyemîn e”
Hevserokatiya Konseya Rêveber a KCK’ê diyar kir ku gelê Kurdistanê yê welatparêz û dostên wan wê têkoşîna demokrasî, edalet û azadiyê bi ser bixînin, hesabê herî mezin ji mêtingeriya qirker bipirsin û wiha qeedand: “Em bang li gelê xwe, hêzên demokratîk ên cîhanê dikin ku têkoşîna ji bo demokrasî, edalet û azadiyê bilind bikin”