Navenda Nûçeyan
Gelek partî, sazî , destegeh û tevgerên Kurd yên li Kurdistan û Ewropayê bi daxuyaniyan komkujiya ku li dijî Navenda Çandê ya Kurd a Ahmet Kaya ya Parîsê şermezar kirin û bang li dewleta Ferensa kirin ku nebe hevkarê qirkirina Kurdan û berpirsên komkujiyê eşkere bike.
Di 23’ê Kanûnê de, li dijî Navenda Çandê ya Kurd a Ahmet Kaya ya li Parîsê êrîşeke hat kirin, di encama êrişa hovane de yek ji pêşengên Tevgera Jinên Kurd Evîn (Emîne Kara), ji Tevgera Çandê Mîr Perwer û endamê Navenda Çandê Abdurrahman Kizil şehîd bûn.
Derbarê êrîşa li Parîsê prtî, destgeh, sazî û komeleyê Kurdan bi daxuyaniyaniyan êrîş şermezar kirin û banga tevlîbûna çalakiyên şermezarkirinê kirin, herwiha ji dewleta Ferensa xwestin ku bi awayekî zelal komkujiyê eşkre bike û kujeran darizîne. Gelek tevgerên û hin partiyên Ewropî jî komkujiya Parîsê şermezar kirin û banga pêkanîna edaletê kirin.
Gelên Kurd û dostên wan li Kurdistan û Ewropayê jî, li dijî komkujiya li Parêsî daketin qadan, ji dewleta Ferensa xwestin ku nebe hevkarê qirkirina gelê Kurd û kujer bilez bên eşkerekirin.
Navên hin partî, sazî, destgeh, tevger û aliyên Kurd û Ewropî yên ku komkujiya Parîsê şermezar kirine wih ne:
Koordînasyona Komeleya Jinên Kurdistanê (KJK), Konseya Rêvebir a Kongreya Neteweyî ya Kurdistanê (KNK), Tevgera Civaka Demokratîk (TEV-DEM), Partiya Yekitiya Demokratîk (PYD), Konseya Rêveber a KCK’ê, TEV-Çand Ewropayê, Însiyatîfa Jin Kurdistanê ji Dagirkeriyê Diparêzin, Kongra Star, Rêveberiya Xweser a Bakur û Rojhilatê Sûriyê, Tevgera Azadiya Civaka Kurdistanê (Tevgera Azadî), Komîteya Rêveber a Tevgera Şoreşger a Yekbûyî ya Gelan (HBDH) , Xwendekarên Zanîngeha Kobanê, Tevgera Çand û Hunera Baqî Xido, Navenda Çanda Êzdîxan (NÇÊ), Civaka Îslamî ya Kurdistanê, , Tevgera Çanda Jinên Kevana Zerîn, Konfederasyona Koçberên Bindest a Ewropayê AVEG-KON, Tora Riseup4Rojava û DefendKurdistan, Yekîtiya Jinên Elewî yên Ewropayê (AABK), Yekîtiya Karkerên Koçber ên Ewropayê (AGEB), Partiya Îslamiya Kurdistanê (PÎK), Koordînasyona Civaka Êzidî ya li Ewropayê, Hêza Yekbûyî ya Demokratîk a Ewropayê, Kongreya Parlamenteran a Spanyayê, Ûnîdas Podemos û Galîcîa, Konseya Kurd a Demokratîk a Fransayê (CDK-F).
