Li Firqeya 4`an a girêdayî hikumeta Şamê derbasbûna text û êzingan jî, li taxên Şêxmeqsûd û Eşrefiyê yên Helebê hat qedexe kirin.
FacebookTwitterWhatsAppTelegram
Firqeya 4`an a hikumeta Şamê piştî ambargoya sotemenî, ard û derman ya li ser gelê Şehba û yê taxên Şêxmesûd û Eşrefiyê, kiryarên xwe yên ji bo teslim girtina gel dijwar dike.
Li gor agahiyên ajansa ANHA di nûçeya xwe de parve kirîn, Firqeya 4`an nahêle ku text û êzing derbasî taxên Şêxmeqsûd û Eşrefiyê bibin, bi wê yekê zêdetirî 200 hezar kesên li her du taxan dijîn ji hemû rêbazên germkirinê hatîne qutkirin.
Li gor agahiyên hatîn girtin çend kamyonên bi êzingan barkirî, dema ku dixwazin derbasî taxên Eşrefiyê û Şêxmesud bibin ji aliyê endamên Firqeya 4`an ên li ser benda kontrolê ya Eşrefiyê rê digirin û nahêlin derbaz bibin. Herwiha hat zanîn ku ev êzinge ji bo pêvîstiyên xwe germkirina gelê her du taxan ku bi mehane ji pêvîstiyên sotemeniyê hatîne mahrumkirin, diçon.
Hezayê bîranînê ye ku li Şêxmeqsûd û Eşrefiyê, buhayê lîtreya mazotê zêdetirî 11 hezar lîreyên Sûriyê ye, bermîleke mazotê jî -eger bê peydakirin- bi zêdetirî 2 milyon û 420 hezar lîre ye ku cara yekem di dîroka herêmê de buhayê mazotê digihêje vê astê.
Buhayê toneke êzingan li gorî cureya êzingan di navbera milyonek û 450 hezarî heta 2 milyon û 500 hezar lîreyên Sûriyê de ye û îhtîmal heye zêdetir bibe.