Navenda Nûçeyan
HPG’ê ragehand ku di encama çalakiyên hêzên wan de leşkerekî dagirker ê dewleta Tirk hate cezakirin. Herwiha termalek û pergaleke kamerayê ya mobeseyê hate rûxandin û derb li çeperekê hate xistin.
Navenda Ragihandin û Çapemeniyê ya HPG’ê bi daxuyaniyekê diyar kir ku di encama çalakiyên hêzên wan de dagirkerek hate cezakirin, pergaleke kameraya termal û ya mobeseyê hate rûxandin. Herwiha di çalakiyan de derb li çeperekê hate xistin. HPG’ê ragehand ku artêşa Tirk a dagirker 4 caran bi balefirên şer û bi dehan caran jî bi obus, tank û çekên giran Qadên Berxwedanê bombe kir.
HPG’ê di daxuyaniya xwe de diyar kir ku di çarçoveya Pêngava Şoreşger a Bazên Zagrosê de li herêma Zapê, 16’ê Kanûnê saet 15:30’an de, dema ku dagirker ber bi çeperên ber şer ên berxwedanê ya nêzî herêma Çemçoya Şêladizê ya Amêdiyeyê ve hatin, hêzên wan bi taktîka sabotajê li dagirkeran dan. Li vir dagirkerek hate cezakirin.
Herwiha HPG’ê da xuyakirin ku di 16’ê Kanûnê saet di 08:30, 10:30 û 11:30’an de li derdora gundê Sîda yê girêdayî navçeya Şêladize ya navçeya Amediyê tîmên wan yên gerok 3 caran bi çekên giran li dagirkeran dan. Saet 14.00’an careke din bi çekên giran li dagirkeran hate xistin û derb li çeperekê hate xistin.
HPG’ê da xuyakirin ku di 16’ê Kanûnê saet 16.00’an de pergaleke kameraya termal û ya mobeseyê ya ku dagirkeran li qadên berxwedanê yên gerîla yên li derdora gundê Sîda yê girêdayî navçeya Şêladize ya navçeya Amediyê bi cih kiribûn, ji aliyê tîmên wan yên gerok ve hatin rûxandin.
HPG’ê derbarê êrîşên dagirkeriya Tirk yên ser qadên gerîla wiha got: “Di 16’ê Kanûnê de Qada Berxwedanê ya Girê Cûdî û herêma Ava Lolanê ya Xakurkê 4 caran bi balafirên şer hatine bombekirin. Di 16’ê Kanûnê de Girê FM, Sîda û Qada Berxwedanê ya Çemço bi dehan caran bi obus, tank û çekên giran hatine bombekirin.”
