Zana Roj/Şehba
Ji bo şermezarkirina tecrîda girankirî ya li ser Rêber Apo, Tevgera Ciwanên Şoreşger ya herêma Efrînê çalakiya konvedanê di roja 2’emîn de dewam dike.
Li hember tecrîda girankirî ya ku dewleta Tirk ya faşîst li ser Rêber Abdullah Ocalan dide meşandin, ciwanên şoreşger li seranserî herêmê Bakur û Rojhilatê Sûriyê bi riya çalakiyan helwesta xwe nîşandan û tecrîd şermezar kirin.
Li herêma Şehbayê jî ji bo şermezarkirina tecrîda li ser Rêber Apo ciwanên Kurd, Ereb û yekîtiya Jinên Ciwan 13 vê heyvê dest bi çalakiya konvedanê kirin. Wê çalakî 3 rojan dewam bike û her roj wê li cihekî be. Roja yekem li navçeya Babinês bû, ya duyem li navçeya Ehdas û sêym jî wê li navçeya Kefir Naye were bi dawîkirin.
Derbarê çalakiyê de endamê Tevgera Ciwanên Şoreşger Mihemed Xelîli ji rojnameya me re axivî.
Mihemed Xelîl diyar kir ku armanca wan ji çalakiyan nîşandana helwesta ciwana ya li dijî tecrîdê û wiha got: “Tecrîda li ser Rêber Apo binpêkirina tevayiya nirxên mirovahiyê ye. Me xwest bi riya van çalakiyan em ji cîhanê re bidin xuyakirin ku tecrîda Rêbertî tecrîda tevayiya gelê Kurde e. Armanca me ji tevayiya çalakiyan têkbirina tecrîda li ser Rêbertî ye. Divê rêxistina CPT û rêxistinên mafên mirovan yên navneyeweyî li hemberî rewşa ku li îmraliyê bi erkên xwe yên mirovî rabin”.
‘Em ê tecrîda li Îmraliyê têk bibin’
Endamê Tevgera Ciwanên Şoreşger Mihemed Xelîli tekez kir kir ku ciwanên şoreşger, ciwanên Apoyî ne û wê bibin têkbirê tecrîda li Îmraliyê û axaftina xwe wiha qedand: “Em li ser fikrê Rêber Ocalan mezin bûne, Rêbertî gotiye “Me bi ciwantî destpêkir û em ê bi ciwantî bi ser bikevin”.
Li ser vê bingehê hêza me heye ku em li beramberî tavahî hêzên kompiloger bisekinin da ku em teçrîda li Îmraliyê bidin şikandin, em ê bi gelê berxwedêr re gelê Apoyî re li her derê û her demê li ser piya bin û çalakiyên xwe berfirehtir bikin da ku bigihînin encamê”.