Navenda Nûçeyan
Rejîma Îranê piştî darvekirina Mohsen Şekarî, serê sibeha 12 mehê ciwanê bi navê Mecîd Riza Rehneverd jî darve kir.
Çalakiyên ku li Tehranê piştî kuştina Jîna Emînî di 16’ê îlonê de dest pê kirin, nêzî 3 meh in dewam dikin. Li hember çalikvanan rejîma Îranê bi guleberdana rast e rast nêzî 500 kesan kuştin, bi hezaran kes birîndar kirin û 18 hezar kes binçavkirin ji berk u nikare pêşî li çalekiyên gel bigire, dest bi darvekirina çalekvanên girtîkirin. Êdî her roj ciwanekî bi darvedike û dixwaze bi “sûcê şer” çavegelbitirsîn e.
Piştî darvekirina Mohsen Şekarî yê 23 salî ya di 8’ê mijdarê de, ciwanekî din jî hate darvekirin. Li Meşhedê, ku navenda rêveberiya Eyaleta Xorasana Razevî ye, ciwanê bi navê Mecîd Riza Rehneverd li meydaneke ku komeke mirovan lê hate komkirin, hat darvekirin.
Di 17’ê mijdarê de li Kolana Heremelî ya Meşhedê du endamên Besicê (polîs) hatibûn kuştin. Îdianameya derbarê Mecîd Riza Rehneverd ê ku di 24’ê mijdarê de bi hinceta tevlî vê çalakiya ku polîs tê de hatibûn kuştin bûbû, hatibû binçavkirin. Ev di 29’ê mijdarê de hat qebûlkirin. Mecîd Riza Rehneverd li pêşberî kamerayan hate darizandin. Piştî şahidiniya polîs û çend kesan a li ser roja bûyer qewimîn, di encama darizandineke bilez de Mecîd Riza Rehneverd ê ji kuştina 2 kesan û birîndarkirina 4 kesan berpirsyar dihate dîtin, bi îdiaya “sûcê şer” kiriye cezayê darvekirinê lê hate birîn.
Dadgehê her wiha biryar da ku Mecîd Riza Rehnever li ber çavên mirovan li qadekê were darvekirin.
Piştî ku Dadgeha Bilind jî biryar pejirand, Mecîd Riza Rehneverd serê vê sibêha 12 Kanûnê li qadeke ku komeke mirovên Meşhedî lê hatin komkirin, hate darvekirin.
Peywîrdarên di saetên serê sibê de li malbatê geriyan, ragihandin ku Mecîd Riza Rehneverd piştî hate darvekirin hatiye veşartin.
Serdadgerê Xorasana Ravezî Xulamelî Sadeqî piştî înfazkirina cezayî, ji bo îstîxbarat, polîs û endamên darazê bilez tevgeriyan spasiyên xwe pêşkeşî wan kirin.
