Navenda nûçeyan
HPG’ê ragehand ku di encama calakiyên hêzên wan de 4 leşkerên Tirk ên dagirker hate cezakirin û yek jî birîndar bû û got, dagirkeran 12 caran bi çekên kîmyewî û 2 caran jî bi bombeyên qedexe êrîşî qadên gerîla kir.
Navenda Ragihandin û Çapemeniyê ya HPG’ê bi daxuyaniyekê ragehand ku di encama çalakiyên hêzên wan de 4 leşkerên dewleta Tirk ya dagirker hatin cezakirin û dagirkerek birîndar bû. Herwiha da zanîn ku artêşa Tirk a dagirker 12 caran bi çekên kîmyewî û 2 caran jî bi bombeyên qedexe çeperên berxwedanê yên gerîlayan bombe kir. Herwiha dagirkeriyê 5 caran bi balafirên şer û bi dehan caran jî bi obus, tank û çekên giran qad bombe kir.
HPG’ê di daxuyaniya xwe de diyar kir ku di çarçoveya Pêngava Şoreşger ya Bazên Zagrosê de li herêma Zap, roja 12’ê Kanûnê saet 10:30 û 18:20’an de li derdora çeperên şer ên gerîlayan a li qada Çemçoyê ya Şêladizê tîmên wan yên gerok bi çekên giran du caran li dagirkeran dan. Di van çalakiyan de herî kêm 3 dagirker hatine cezakirin û dagirkerek jî birîndar bûye.
HPG’ê da xuyakirin ku di 12’ê Kanûnê saet 22.30’an de li derdora çeperên berxwedanê yên gerîla yên li herêma Sîda ya Şêladizê hêzên wan bi çekên giran li dagirkeran dan. Herwiha da zanîn ku di 12’ê Kanûnê saet 22:30 û 15:00’an de li derdora çeperên berxwedanê yên gerîla yên li herêma Sîda ya Şêladizê tîmên wan yên gerok bi sûîkastê li dagirkeran dan û di vê çalakiyê de dagirkerek hate cezakirin.
Derbarê êrîşên artêşa Tirk a dagirker ên bi bombeyên qedexe û çekên kîmyewî jî, HPG’ê da zanîn ku di 12’ê Kanûnê de çeperên berxwedanê yên gerîla yên li nêzî gundê Sîda û herêma Çemço ya Şêladize ya navçeya Amediyeyê 2 caran bi bombeyên qedexekirî hatin bombekirin. HPG’ê diyar kir ku di 12’ê Kanûnê de çeperên berxwedanê yên gerîlayan ên li nêzî herêma Çemço ya navçeya Şêladize ya Amediyeyê 12 caran bi çekên kîmyewî hatin bombekirin.
HPG’ê ragehand ku di 12’ê Kanûnê de Qadên Girê Ortê, Girê Çarçel ên Metîna û derdora Gundê Şelaze 5 caran bi balafirên şer hatin bombekirin, herwiha 12’ê Kanûnê Qadên Berxwedanê yên Girê Cûdî, Girê Bihar û Çemço bi dehan caran bi obus, tank û çekên giran hatin bombekirin.
