Navenda Nûçeyan
Înisîyatîfa Jinên Tîrêjên Rojê bi daxuyaniyekê salvegera 44’emîn a PKK’ê pîroz kir û diyar kir ku wan ji bo salvegera avabûna PKK’ê û li dijî tecrîda li ser Rêberê Gelê Kurd Abdullah Ocalan, gelek çalakî kirin e.
Înisîyatîfa Jinên Tîrêjên Rojê bi daxuyaniyeke nivîskî diyar kirin ku wan li Colemêrgê, Mêrsîn, Sakarya, Tekîrdag û Kocaelî çalakiyên bibando kirine.
Înisîyatîfa Jinên Tîrêjên Rojê di daxuyaniya xwe de diyar kirin ku di 26’ê Mijdarê de li navçeya Avcilara Stenbolê 2 wesayîtên luks û dikana nalbûriye yê faşîstê AKP’yî yê bi navê Serdar Alali ji aliyê yekîneyên wan ve hatin şewitandin. Herwiha di 27’ê Mijdarê de li Başakşehîra Stenbolê 5 wesayîtên luks ên faşîstan ji aliyê yekîneyên wan ve hatin şewitandin.
Înisîyatîfê da zanîn ku di 28’ê Mijdarê de li navçeya Toroslarê ya Mêrsînê yekîneyên wan bi teqemeniyên bi destan hatine amadekirin li marketa A101 û Şokê ya rejîma faşîst a Tirk dan. Di her du marketan de xisareke mezin çêbû. Herwiha di 28’ê Mijdarê de li navçeya Sapancayê ya Sakaryayê yekîneyên wan ji du milan bi çekan û teqemeniyên bi destan li wesayîteke polîsan dan. Di vê çalakiyê de polîsekî ku gule li serî ket, miriye.
Înisîyatîfê da xuyakirin ku di 26, 27, 28’ê Mijdarê de Stenbol, Tekîrdag, Kocaelî û Mêrsîn di serî de li gelek bajaran yekîneyên wan bi hemwextî bi wesîleya salvegera 44’emîn a PKK’ê bi fîşekên hewayî çalakî kirine. Di 25 û 26’ê Mijdarê de li taxên Kişlaya Kevn û Mezarlikê ya Geverê û li taxên Medya, Aşitî û Sanayî yên Qosera Mêrdînê li ser dîwaran nivîs hatine nivîsandin.”
Înisîyatîfê di daxuyaniyê de salvegera 44’emîn a PKK’ê pîroz kir û diyar kir ev çalakî ji bo salvegera avabûna PKK’ê û li dijî tecrîda li ser Rêberê Gelê Kurd Abdullah Ocalan hatine kirin.