Navenda Nûçeyan
QSD’ê diyar kir dewleta Tirk a dagirker di roja şeşemîn a êrişan de zêdetirî 77 gund, bajarok û navendên sivîlan ên Bakur û Rojhilatê Sûriyeyê bombebaran kir.
Navenda Ragihandin û Çapemeniyê ya QSD’ê li ser malpera xwe bîlançoya êrişên artêşa Tirk a dagirker ragihand.
QSD’ê diyar kir ku şikestina dewleta dagirker a Tirk ji encamên binkeftî yên êrişên li ser herêmên Bakur û Rojhilatê Sûriyê eşkere bûye û got: “Dagirkeriya Tirk ji ber binketinê êrişên xwe bi awayekî hovane û derveyî pîvanan li ser deverên sivîl û jêrxaneya xizmetguzariyê berdewam dike. Gelê me li hemberî van êrîşan berxwedana xwe mezintir dike û em jî mafê xwe yê parastina rewa bi cih tînin”.
QSD’ê da xuyakirin ku di roja şeşemîn a êrişan de dagirkeriyê zêdetirî 77 gund, bajarok û navendên sivîlan ên Bakur û Rojhilatê Sûriyeyê bombebaran kir. Herwiha da xuyakirin ku di heman demê de komeke çeteyan di bin gera balafirên keşfê de hewl da êrişî herêma Zirganê bikin û hêzên wan li çeteyan dan û 6 çete hatin kuştin.
Li gorî QSD’ encama êrişên dagirkeriyê yên saetên dawîn ên roja pêncşemê 24’ê Mijdarê û her wiha encamên roja înê 25’ê Mijdarê ev in:
24’ê Mijdarê
Eniya Zirgan bi 8 obus û 6 hewanan hat topbarankirin. Li gundê Bobê hewldana êrişa çeteyan hat têkbirin. Di pêvçûnê de 2 çete hatin kuştin. Piştî pêvçûnê çalakiyeke bi çekên giran li hember çeteyan hat lidarxistin. Di encama vê çalakiyê de jî 4 çete hatin kuştin. Bi giştî 6 çete hatin kuştin.
Qamişlo
Gundên Zorava, Xiwêtla, Mele Ebas, Şelûmiyê bi 7 obusan hatin topbarankirin.
Til Temir
Gundên Tewîla û Gozeliyê bi 14 obusan hatin topbarankirin.
Kobanê
Gundên Cîşan, Goran, Xirbîsan, Zorava, Til Ehmed Mûnîr bi 11 hewan, 2 guleyên tankan hatin topbarankirin.
Girê Spî:
Gundên Tepê Xan, Xalidiyê û gaziya Terad bi obus û tankan hatin topbarankirin.
Eyn Îsa – Tirwaziye
Bajarokên Um El Beramîl bi 3 obusan hat topbarankirin.
Minbic:
Gundên Elyanlî, Korheyuk, Ewn Dadat, Hoşeriye, Boxaz û Seyada bi 18 hewan û 5 obusan hatin topbarankirin.
25’ê Mijdarê
HERÊMA EFRÎNÊ
Gundên Samûqa, Til Ziwan, Til Madiq, Til Cîcan, Im Hûş, Minnix, Eyn Deqnê, Nêrebiye, Bêluniye, Dêrcimel, Şêx Îsa, Girê Meyasê, Merenaz, Şewerqa, Malikiye, Soxaneke, Qinêtirê, Girê Bênê, Tatmaraş, Tinnib, Elqemiyê, Îrşadiyê û bajarokê Til Rifat bi 406 obus, 39 hewan, 350 bombeyên bombeavêjan hatin topbarankirin.
Til Temir
Gundên Dirdara, Til Tewîl û Tewîla bi obusan hatin topbarankirin.
Hol
Li Kampa Holê hemwextî gera balafirên keşfê yên Tirk, komek çete reviyan û piştî demek kurt ji aliyê hêzên me ve hatin girtin.
Kobanê
Gundên Zormexar, Cîşan, Goran, Xirbîsan, Ziyaret, Qeremox, Til Şeyîr, Siftek, Kor Elî, Çarixlî, Xerab Eto Girê Miştenur û bajaroka Şiyux Foqanî bi obus û hewanan hatin topbarankirin.
Girê Spî
Gundên Huşan, Seyda, Ebdokê, Ebû Kurdo, Dibis, Koberlik, Îbrahîm Kurdî û rêya M4 a navneteweyî bi obus û hewanan hatin topbarankirin.
Eyn îsa
Gundê Siwêdiya bi 5 obusan hat topbarankirin.
Minbic
Çiyayê Hemam, gundên Hoşeriye, El Cat, Korheyuk, Seyda, Ewn Dadat, El Yanelî bi 15 hewan û 12 obusan hatin topbarankirin.”
