Hevserokê Meclîsa Zagonsaz a herêma Efrînê Silêman Cafer diyar Kir ku planên dewleta Tirk a dagirker yên dagirkirina herêmên bakur û rojhilatê Sûriyê bê navber dewam dikin û got, bi vîn û têkoşîna hevpar wê dagirker têk biçin.
Zana Roj/ Şehba
Dewleta Tirk a qirker û dagirker ji 19’ê Mijdara 2022’an li hemberî Başûr, Rojava, Rojhilat û Herêmên Parastinê yên Medyayê êrîşeke hewayî yê dijwar pêk anî û heta niha dewam dike. Di van êrîşên ku li hemberî tevahî Kurdistan û gelê Kurd pêk tê, bi dehan cih û war hatin hedefgirtin û di encama wan de gelek mirov şehîd û birîndar bûne. Desthilatdariya qirker a faşîst a AKP-MHP’ê ne tenê êrîşî parçeyekî, beşek ji Kurdan dike, li çar parçeyên Kurdistanê êrîş dike û hemû Kurdan dike hedef. Ji bikaranîna çekên kîmyewî bigire heta bi avêtina bombeyan ji hewayê ya bi balafiran, bi her cure rêbazên dijmirovî û wêranker, ji bo qirkirina Kurdan bê navber êrîş dike. Gelê Kurdistanê yê welatparêz jî li dijî van êrîşên bê navber û dijwar ên faşîzma AKP-MHP’ê li her derê daketine qadan û bertekên xwe nîşan didin.
Têkildarî êrişên dewleta Tirk ya dagirker yên dijî bakur û rojhilatê Sûriyê hevserokê Meclisa Zagonsaz a herêma Efrînê Silêman Cafer ji rojnameya me re axivî.
’Pilanên osmaniyan wê têk biçin’
Silêman Cafer diyar kir ku planên dagirkerina axa bakur û rojhilatê Sûriyê bê navber dewam dikin û wiha got: “PilanaTirkiyê ya dagirkirina axa me ji her aliyî ve dewam dike. Ev demek dirêje ku dewleta Tirk a dagirket dixwaze seranserî sînorê Bakur û Rojhilatê suriyê dagir bike, ev ye jî vedigere Plana Ataturk a ku di sala 1920 an de pêşkêş kiriye û di 1923`an de perlamana Tirkiyê erê kiriye. Li gorî wê diyar dibe ku kîjan hikumet were ser desthilatdariya Tirkiyê wê di siyaseta dagirkirina xaka me de dewam bike. Plana dagirkeriya Tirk eşkere ye , dixwaze herêmên Rojava heyanî Kerkuk, Musil dagir bike. Ev yek jî bi dagirkirina Lîwa Îskenderon destpêkir û di dema Sadam Huseyîn de bi hinceta ewlekariyê, peymana derbasbûna axa Başûr a 40 km îmze kirin”.
Silêman da xuyakirin ku Turkiyê bi aloziya Suriyê re xwest vê yekê pêkbîne û wiha domand: “Dewleta Tirk a dagirker bi destpêkirina aloziyê LI Sûriyê xwest gelelêk herêmên Sûriyê dagir bike. Tirkiyê destpêkê Cerablus, Bab û Îdlibê dagir kir, herî dawî bi pîlaneke navneteweyî Efrîn, Serê Kaniyê û Girê Sipî dagir kir. dagirkerî siyaseta dagirkirinê û pêkanîna xwewna Osmaniya nû gav bi gav dimeşîne.”
Silêman diyar kir ku dagirkeriya Tirkiyê her ku derbeyên giran li Herêmên Parastinê yên Medya dixwe berê xwe dide Bakur û Rojhilatê Sûriyê û wiha got: “Di van demên dawî de dewleta Tirk a dagirker xetmandineke aborî û civakî de jiyan dike, bi êrîşên xwe yên li ser qadên gerîla bi ser neket, derbeyên giran di wir de xwerin û şikest, ji ber wê herî dawî hêzên gerîla bi çekên qedexekirî armanc kirin lê negihîşt armancên xwe, her wiha bi teqîna li Istanbulê a ku bi destê MÎT a Tirkiyê hatiye pêkanîn, kir hincet ku dest bi êrîşên xwe yên li ser herêmê bike, hêjayê gotinê ye ku terzê tevgrandin Tirkiyê êdî her kes dizane ji bo vê yekê derbas bike berê xwe da sînorê Bakur û Rojhilatê Suriyê”.
’Dagirkerî wê tu serkftinan b dest nexe’
Silêma anî ziman ku di van êrîşên xwe yên dawî de wê negihîne tu serkeftinan û wiha domand: “19’ ê Mijdara 2022’an, dagirkeriya Tirkiyê li seranserî sînor ji herêma Şehbayê ta Dêrîkê şer da destpêkirin, dîroka xwe ya reş û xwînxwar careke din dubare dike, di encamê van êrîşan de bi dehan welatî şehîd bûn, her wiha leşkerên hikumeta Şamê jî jiyana xwe ji dest dan. Bêdengiya cîhanê diyar dike êrîşên ku ji aliyê dagirkeriya Tirkiyê ve tê kirin bi erêkirina hêzên navneteweyî û hikumeta Şamê tên kirin”.
’Wê dagirker derbên giran bixwin’
Hevserokê MeclIsa Zagonsaz a herêma Efrînê Silêman Cafer anî ziman ku ewê parastina axa xwe bikin û axaftina xwe wiha qedand: “Ev pilan û hovîtiya ku tên kirin tenê armanc jê ew e ku ewlehiya herêmê têk bibin û destkeftiyên şoreşê tune bikin. Lê soza me ew e ku erka me a serke parastina ax û gelê herêmê bi tavahî pêkhateyên wê ye, hêzêm QSD’ê ji tavahî cîhanê re êdî xwe îsbat kiriye, ger êrişên dagirkeriyê dewam bikin , wê dagirkerî derbeyên giran bixwe, gelên herêmê jî wê berxwedandeke dîrokî bidin meşandin ”.