Navenda Nûçeyan
Ji 19 ê mehê vir de seranserê bakûr û rojhilatê Sûrî û herêma parastinê medya erîş didomin. Dewleta dagirker ya Tirkan weke gûrin har erîşê hemû deveran dikin. Herî dawî balafirên faşîstên Tirkan nîzîkê bajarê Hesekê navenda koalîsyona navnetevî û navenda YAT ê bombe kir. Her wiha piştî çend seetan li nîzîkê bajarê Tirbespî dû navendên petrolê jî hate bombe kirin.
Dewleta Tirk baregeha Koalîsyona Navnetewî û YAT’ê bombebaran kir
Dewleta Tirk a dagirker baregeha Koalîsyona Navnetewî û hêzên YAT’ê ya li Hesekê, bombebaran kir. Di encama êrişê de 2 endamên YAT’ê şehîd bûn, 3 jî birîndar bûn.
Li gorî nûçeya ajansa ANHA’yê, dewleta Tirk a dagirker doh saet di 12:00`an de baregeheke hevbeş a Yekîneyên Antî-Teror (YAT) û hêzên Koalîsyona Navnteweyî ya li bakurê bajarê Hesekê bombebaran kir. Li gorî agahiyan êriş bi bê mirov û biçek pêkhatiye.
Hêzên ku li baregehê diman operasyonên hevbeş li dijî çeteyên DAIŞ`ê li dar dixistin.
Li gorî heman çavkaniyê, di êrişê de 2 endamên YAT`ê şehîd bûne. Her wiha yek jê fermandar, 3 endamên YAT`ê jî birîndar bûne. Hate ragihandin ku rewşa 2 birîndaran giran e.
Balafirên dewleta Tirk du cihên petrolê kirin hedef
Balafirên dewleta Tirk a dagirker li Tirbespiyê du cihên petrolê kirin hedef.
Balafirên bê mirov ên bi çek ên dewleta Tirk a dagirker li gundewarê navçeya Tirbespiyê du cihên petorolê bombebaran kirin.
Dewleta Tirk cihê petrolê yê bi navê Ewda û cihekî din nêzî Leylanê yê 7 km dikeve rojavayê navenda navçeyê kir hedef.
Li her du cihan jî dûman derketiye. Heman demê balafirên bê mirov li ser navçeyê digerin.
Tîmên agirkujiyê berê xwe dan cihê bûyerê û agir vemirandin.