DILYAR CIZÎRÎ
Di demekê de tevgera El-Nusra ya li Efrînê û herêmên din ên dagirkirî hatin bi dih kirin û hîn jî komên girêdayî El-Qaîda yên di lîsteyên terorê yên navdewletî de li herêmê têne bi cihkirin. Li meydana Teksîm a Stenbolê de teqînek rû da. Li gorî ragihandinên Tirkiyê di teqînê de 6 kes mirin û 53 kes birîndar bûn.
Balkêşe rayedarên Tirkiyê demil dest îda kirin û tevgera azadiyê û rêveberiya xweser a Bakur û Rojhilatê Sûriyê tewanbar kirin, bi vê jî dixwazin îda bikin herêmên rêveberiya xweser tehdîdê li ser wan çêdike.
Ji xwe di heman demê de jî bal kişandin ser Kobanê û gotin ferman ji êrişkarê re ji Kobanê hatiye. Ev jî niyet û xwestekên dewleta Tirk a hedefgirtina Kobanê nîşan dide.
Li aliyê din jî Navenda Parastina Gel (NPG) û rayedarênQSD’ê, Rêveberiya Xweser û Tevgera azadiyê bê deng neman û bi daxuyaniyên cûda îdayên dewleta Tirk deriwandin.
Balkêşe bûyera teqîna li Stenbolê û tewanbariya dewleta Tirk piştî bi cihkirina komên çete yên Cebhet EL-Nusra û herêmên din ên dagirkirî pêk hatiye. Dewleta Tirk bi vê jî dixwaze niha bi riya wan koman êrişên dagirkeriyê yên nû li dijî herêmê pêk bîne. Dema di îdayên xwe de dibêjin fermana êrişê li Kobanê hatiye dayîn, ev jî nîşan dide çavên dewleta Tirk li ser Kobanê ya bûye sembola şoreşa Rojava-Bakur û Rojhilatê Sûriyê ye.
Ji ber wê jî bi şanoya teqîna li Stenbolê û hedefgirtina sivîlan dixwazin aliyên daxwazên dewleta Tirk erê nekirin niha bidin qani bikin. Wiha jî çira kesik a êrişeke nû bistînin. Ji xwe beriya wê jî çeteyên El-Nusra yên bi ser El-Qaîda ve amade kirine û li derdora herêmê bi cih kirine.
Li gorî xuya dike ev şano û lîstokên dewleta Tirk bi hilbijartinên nêzî yên Tirkiyê ku tê payîn di 24`ê hizêrana 2023’yan de werin lidarxistin ve girêdayî ye. Erdogan ji ber di êrişên xwe yên li dijî herêmên Zap ,Metîna û Avaşînê tevî bikaranîna çekên kîmyawî jî bi ser nakeve û encamê bi dest naxe. Ne tenê encamê bi dest naxe, lê belê di encama çalakî û xebatên gel ên li dijî bikaranîna çekên kîmyawî de tengav bûye.
Ji ber wê bi êrişa li Stenbolê û sînaryoya daniye, dixwazin rojeva Tirkiyê bi tavahî bidin guhertin û êrişeke nû, belkî di hilbijartinan de sûdê li wan bike û hejmara dengên wan zêde bike.
Lê wer xuyaye Rayedarên NPG’ê, QSD’ê û Rêveberiya Xweser mijar baş lêkolîn kirine û karîbûn bi daxuyaniyên xwe beşekî mezin ji rastiyan bi raya giştî re parve bikin.
Balkêşe bû di heman demê de ENKS’ê jî xistin dewrê û xwestin bi wê jî rojeva reşkirina Rêveberiya Xweser ji hemû aliyan pêk bînin. Heger ne wihaye, çima Kongreya ENKS’ê ya bi mehaye di vê demê de hat lidarxistin? Çima ENKS’ê bi israr çalakiyên xwe li gel Hêzên Ewlekariya Hindirîn ruxst nake?
Ji ber ew jî beşek lîstoka teqîna Stenbolê û bi cihkirina çeteyên El-Nusra li Efrînê û herêmê din ên dagirkirî ku ji aliyê MÎT’ê ve bi arman û planeke qirêj ve pêk hatiye.
