Di bin dûrişmeya `Li Dijî Her Cureyên Tundiya Dewlet û Hişmendiya Zilam, Jin Jiyan Azadî` li herêma Şehbayê meşeke girseyî ya mêran hat lidarxistin.
Zana Roj/ Şehba
Îro li herêma Şehbayê ji aliyê Komîteya Jin a Kantona Efrînê ve, ji bo roja cîhanî ya LI dijî tundiya li ser jinê meşeke girseyî ya mêran hat birêxistin kirin. Meş li navçeya Ehresê hat destpêkirin, bi sedan mêrê û ciwanên Kurd û Ereb daketin qadan û banga piştgiriya şoreşa jinê kirin.
Di meşê de axaftin ji aliyê meclîsa kantona Efrînê Fewzî Mistefa û endama Meclisa Kantona Şehbayê Mihemed Memo ve hatin kirin.
Fawzî Mistefa banga têkoşîna hevbeş kir û wiha got: “Li ser bingeha azadiyê û xwedîderketina li doza jinê, li hember tavahî kiryar û sucên ku di derheqê jin de tên kirin, divê em xwe perçeyek ji vê dozê bibînin, ji bo em bi hev re ji dagirkirina hişmendiyê rizgar bibin têkoşîneke hebeş tê xwestin. Doza azadiya jinê, ne tenê erka jina ye, di asta yekemîn de doza azadkirin hişmendiya me ye”.
Her wiha Mihemed Memo diyar kir ku sedsala 21` emîn, sedsala têkbirina serdestiya zilam bi destê jinê ye û wiha dewam kir: “Di roja me ya îro de mucîze di cîhanê de bi destê jinê tên çêkirin, di pêşengtiya serhildana Rojhilatê Kurdistanê de em dibin şahidê hilweşandina rêjîmê û têkbirina serdestiya zilam bi destê jinên kurd û tavahî jinên cîhanê tê kirin, di bi silogana Jin Jiyan Azadî de îro sîstemên îqtîdar û serdest ber bi tunebûnê ve diçin”.
