DILYAR CIZÎRÎ
Dewleta Tirk ji 17’ê nîsanê ve bi armanca qirkirin û tunekirina gelê Kurd êrişî herêmên Zap, Metîna û Avaşînê dike. Dewleta Tirk ya peymana qedexekirina çekên kîmyawî imze kiriye, bi xwe jî wan çekan û çekên nuklerî tektîkî li wir bikar tîne û dixwaze beriya demsala zivistanê encaman bidest bixe.
Navenda Ragihandinê ya HPG’ê ji roja destpêkê ve van kirin û sûcên dewleta Tik bi dîmen bi raya giştî ya cîhanê re parve dikin. Lê carde jî ne saziyên qedexekirina çekên kîmyawî û ne jî NY û YE heta niha naxwazin li gorî qanûnên xwe van sûcên dewleta Tirk bibînin. Heta niha bi van bê helwestiya xwe xweş alîkariya dewleta Tirk dikin. Ew jî li gorî berjewendiyên dewletan di nava tevgerê de ne û biryarên xwe li serî wî esasî pêk tînin.
Balkêşe di wan herêmên behsa mijarê de gêrîlayên azadiyê yên rumeta Kurdistanê diparêzin tevî şert û mercên herî giran de bi her awayî li ber xwe didin û derbeyên giran li dagirkeran dixin. Rojane leşkerên dagirker têne cezakirin. Çalakiyên bi wêrekî li dilê dijmin dixin û tevgera wan tînin asta bê çarebûnê. Ji bo wê jî berdêlên giran didin û canê xwe feda dikin.
Di rewşa êriş û şerên wan herêman de tişta sosret dîmenên ajansa ANF’ê derbarê şewitandina cenazeyên leşkerên Tirk weşandiye. Di wan dîmenan de diyar dibe çawa dewleta Tirk a çekên kîmyawî li dijî gêrîla û xwezaya Kurdistanê bikar tîne, sûcên li dijî mirovahiyê li dijî leşkerên xwe jî pêk tînin. Leşkerê Tirk ên di qadên şer de tengav dibin, cenazeyên xwe dikişkişînin û paşê agir berdidin wan. Wer xuya dike bi vê yekê dixwazin cezazeyên xwe winda bikin. ew naxwazin civak bi mirinên wan baş bizane. Lê wan ne dizanî ku gêrîlayan ew kirnên wan bi kamîreyên xwe belge dikin.
Lê bi rastî ji agirê di dîmenê de asta hovîtî û bê xîreta dewleta Tirk diyar dibe. Leşkerên ji bo parastina desthildariya wan li wan çiyan hatine bi cihkirin û şerê gêrîlayê dikin, jî rastî hovîtiya fermandarên xwe tên. Yenî asta hovîtî û nemerdiya dewletê di wir de aşkere dibe. Bi vê jî ez dixwazim bêjim hin dengên hîn jî parastina dewleta Tirk dikin û hevkariya wê dikin re dibêjin, heger li dijî cenazeyên leşkerên xwe wiha dikin, gelo wê li dijî Kurdan çi bikin.
Ew dîmen rastiya desthilata AKP/MHP’ê baş radixe ber çavan. Ez bi vê nivîsê de ji şervanên ew dîmen kişandin re dibêjim hey destê we sax be. We hovîtiya dewleta Tirk baş ji dîrokê re belge kiriye. Lê niha rol dikeve ser siyasetmedar, rojnamevan û xebatkarên kurd. Divê ew dîmen li dijî siyasetên qirker ên dewletê di her qadê de werin bikaranîn. Lazima dayîkên leşkerên Tirk jî bizanin cenazeyên zarokên wan bi destê fermandarên wan têne şewitandin. Ev hovîtiya bê dawiye.
Her çendî çalakî û bertek li dijî bikaranîna çeekên kîmyawî têne kirin, dive mijara şewata leşkeran jî baş bibe rojeva
