QSDʹê bidaxuyaniyekê nasnameya şervanê di êrişa dewleta Tirk a dagirker ya li ser Qamişloyê de şehîd bûbû, eşkere kir û got, em soza rakirina tolê didin, em ê ala berxwedanê li ba bikin, xeta têkoşîna fedaîtiyê bidomînin.
FacebookTwitterWhatsAppTelegram
Navenda Ragihandinê ya QSDʹê bi daxuyaniyekê ragehand ku şervanê wan Kemal Mihemed Elî Dûdû di êrişa hewayî ya dewleta Tirk a dagirker a li ser Qamişloyê de şehîd bûye.
QSD`ê di daxuyaniya xwe de diyar kir ku hêzên dagirkeriya Tirk êriş û binpêkirinên xwe li ser herêmên cuda yên Bakur û Rojhilatê Sûriyê didomînin, bi hemû cure çekên giran û dronan sivîlan, milkên wan, cihên aktîf û yên xizmetguzarî û leşkerî dikin hedef.
QSD`ê da xuyakirin ku roja şemiya borî balafireke bêmirov a dagirkeriya Tirk erebeya ku hevreyê wan Mîtan Şoreş (Kemal Mihemed Elî Dûdû) û 2 hevalên wî tê de bûn, kir hedef û got: “Di encama vê êrişa nemerd de hevalê me Mîtan ê ku bêhnvedana xwe li nav xizmên xwe diborand, şehîd bû. Hevreyê me beşdarî piraniya pêngavên li dijî rêxistinên terorîst ên li herêmên Bakur û Rojhilatê Sûriyê bû. Hevreyê me mînaka şervanên wêrek bû ku ji xetereyan natirsin û di jiyana xwe ya leşkerî de nimûneyên bêhempa yên berxwedan û lehengiyê nîşan dan. Her wiha xwedî rihê hevalatî yê bilind bû, ji lew re re ket dilê hemû kesên wî nas kirine û ji wan re bû bira û heval.
QSAD`ê di dawiya daxuyaniya xwe xwe de soza rakirina tola şheîdan da û wiha got: “Em sersaxiyê ji xwe, malbata şehîd û hemû malbatên şehîdan û gelê xwe re dixwazin û em soza rakirina tolê didin. Em ê ala berxwedanê li ba bikin, xeta têkoşîna fedaîtiyê bidomînin heta ku xeyal û armancên wan ên azadî, rizgarkirina herêmên dagirkirî û mîsogeriya ewlehî û îstiqrarê li herêmên me pêk bînin.”
Nasnameya şehîd wiha ye:
Nasnav: Mîtan Şoreş
Nav û paşnav: Kemal Mihemed Elî Dûdû
Navê dayikê: Ebta
Navê bav: Mihemed Elî
Cih û dîroka jidayikbûnê: Serêkaniyê, 1995
Cih û dîroka şehadetê: Qamişlo, 6 Mijdar 2022.”
