Serhildanên gel yên li Rojhilatê Kurdistan û Îran bê navber dewam dikin, Roj bi roj serhildan firehtir dibin û hejmara welatiyên li ser destê rêjîma Îranê tên qetilikirin, desteserkirin û girtin zêde dibin.
Bi qetilkirina keça Kurd Jîna Emînî ya 22 salî, li tevayiya bajarên Rojhilatê Kurdistanê û gelek bajarên Îranê agirê serhildanê vêket û ev serhildan heta roja îro jî bi awayekî berfireh dewam dikin. Rêjîma Îranê jî li hemberî xwepêşandanên gel xwe negire û li dijî xwepêşandanan kuştin, şidet û binçavkirinê dik. Xwepêşandanên li Rojhilatê Kurdistan û Îranê ku bi daxwaza azadî û jiyanê dest pê kir gihişteiye asteke nû û li her derê Îranê û Rojhilatê Kurdistan belav bûye.
Di xwepêşandanan de niha xwendekar roleke sereke dilîzin, xwedekarên zanîgeha Êrşadî ya li Tehranê û xwendekaran li Merîwanê jî bi çalakiyên cûda nerazîbûnên xwe li dijî kiryarên rêjîma Îarnê nîşan dan. Herwiha welatiyên Merîwanê deriyên dikanên xwe girtin û agir dadan û bi seknekê nerazîbûna xwe ya li hemberî rêjîma Îranê nîşan dan.
Merasîma veşartina cenazeyê welatiyê bi navê Îrfan Zemanî veguherî xwepêşanadekê li dijî rêjîma Îranê û hêzên rejîma Îranê ji bo ku xwepêşandanê mbi dawî bikin bi guleyan êrîşî xwepêşanderan kirin.
Herwiha li bajarê Bokanê gel daket qadan, agir dadan û riya hatû û çûnê ya sereke qut kirin. Li aliyê din li gelek bajarên Îranê jî xwepêşandan li dar ketin û welatî daketin kolanan û agir dadan, Li dijî rejîma Îranê silogan avêtin.Li gorî Rêxistina Mafê Mirovan a Îranê ji destpêka xwepêşandanan heta niha herî kêm 304 kes ku 41 ji wan zarok in, li Îran û Rojhilatê Kurdistanê hatine qetilkirin.
Koma Mucahîdên Gel ya mixalif diyar kir xwepêşandan li 216 bajaran belav bûne û derdora 530 kes hatine qetilkirin. Herwiha navê 358 kesên hatine qetilkirin, eşkere kir.
Hêjayî gotinê ku ji destpêka xwepêşandanên li Îran û Rojhilatlê Kurdistanê, rejîma Îranê bi deh hezaran kes destgîr kir, bi hezaran kes jî girtine. Di nav wan de rojnamevan, parêzer, çalakvan, kesên navdar û parêzvanên mafên mirovan jî hene. Li gorî rêxistina Mafê Mirovan Rêjîma Îranê rojanê cezayê darvekirinê li xwepêşanderên ku ji aliyê wê hatine girtin, dibre.
