Navenda Nûçeyan
Li hemberî êrişên dewleta Tirk ya dagirker yên bi çekên Kîmyawî, Gerîlayên Azadiya Kurdistanê derbeyên giran li artêşa dagirker dixe. Dîmenên çalakiya serkeftî ya li Mam Reşo ku di encamê de 7 dagirker hatibûn cezakirin, li ser Gerîla TV hat weşandin.
Derbarê çalakiya Gerîla ya serkeftî ya li Mam Reşo ku di encamê de 7 dagirker hatbûn cezakirin, Navenda Ragihandin û Çapemeniyê ya HPG’daxuyanî dabû.
HPG`ê di daxuyaniya xwe de diyar kirbû ku di 26’ê Tîrmehê de dagirkerên ku bi armanca dagirkirina Girê Şehîd Mûnzûr û Girê Şehîd Arnos ên li Qada Berxwedanê ya Mamreşo xebatên çêkirina rêyan dimeşandin ji aliyê hêzên wan ve hatin şopandin û got: “Hêzên me koma dagirker a ku ji 7 kesan pêk dihat di saet 06.45’an de xistin kemînê û bi çalakiyeke koordînekirî ya gerîlayan derb li dagirkeran hat xistin. Baskê yekem ê çalakiyê; ji nêz ve bi çekên ferdî bi bandor li dagirkeran xist. Baskê duyemîn ê çalakiyê jî li dagirkerên ku dixwestin li bejahiyê belav bibin xistin. Baskên yekem û duyem ên çalakiyê, di demek pir kin de bi şêwazê lêdana teyrê baz, tevahiya koma dagirker a ji 7 kesan pêk dihat ceza kirin û ev yekîneya dijmin bi temamî tune kirin.”
HPG`ê ragehand ku tîmên wan yên bi tevger yên ku çûn ser cenazeyan, eşkere kirin ku ji dagirkerên hatine cezakirin, 3 jê leşker û 4 jî kontra ne. HPG`ê da xuyakirin ku hêzên wan ji ser 7 cenazeyan; çekeke MPT-55, 3 çekên AK-47 (Kalaşnîkov), cîhaza bêtêl, kasatûreyek û 2 şepqeyên leşkerî desteser kirin.
