HPG`ê ragehand ku di çalakiyên hêzên wan de 4 leşkerên Tirk yên dagirker hatin cezakirin û konek jî hate îmhakirin. Herwiha HPG`ê da xuyakirin ku êrişên artêşa Tirk ya dagirker yên bi bombe û çekên kîmyewî dewam dikin.
Derbarê şerê li li Zap, Metîna û Avaşînê , Navenda Ragihandin û Çapemeniyê ya HPG’ê bi daxuyaniyekê diyar kir ku di encama çalakiyên bi bandor ên tîmên wan yên gerok de ; 4 dagirker hatin cezakirin, konekî leşkerî hat îmhakirin. HPG`ê di daxuyaniya xwe de ragehand ku artêşa Tirk a dagirker Qadên Berxwedanê 4 caran bi bombeyên qedexekirî û 8 caran jî bi çekên kîmyewî bombebaran kir.
HPG`ê diyar kir ku di 30’ê Cotmehê de li Qada Berxwedana Sacayê dagirker ji aliyê tîmên wan yên gerok ve bi taktîka sûîqestê hatin gulebarankirin û dagirkerek hate cezakirin. Herwiha di 31’ê Cotmehê de dagirkerên li Qada Berxwedanê Çemçoyê ji aliyê tîmên wan yên gerok ve bi çekên giran hatin gulebarankirin û 3 dagirker hatin cezakirin.
HPG`ê da xuyakirin ku di 31’ê Cotmehê de li Qada Berxwedana Girê Cûdî ya dagirker ji aliyê tîmên wan yên gerok ve bi çekên giran hatiye lêdan û konekî leşkerî hate îmhakirin. Di 31’ê Cotmehê de çeperên şer ên Şehîd Serxwebûn ên li Qada Berxwedanê ya Çemço 3 caran, çeperên şer ên Şehîd Xursî yên li Qada Berxwedanê ya Sacayê jî carekê bi bombeyên qedexekirî hatin bombekirin.
HPG`ê da xuyakirin ku di 31’ê Cotmehê saet di navbera 08:00 û 16:00’an de çeperên şer ên Şehîd Bahoz ên Qada Berxwedanê ya Çemçoyê 8 caran bi çekên kîmyewî hatiye bombekirin. Di heman demê de di navbera saet 13.00-13.30’an de dagirkeran madeyên plastîk û lastîkên wesayîtan şewitandine û dûmana jehrê bi aspiratoran arasteyî hundirê çeperên şer kirine.Di 31’ê Cotmehê de Qadên Berxwedanê yên Saca û Kurojahro, Girê Cûdî û Girê Amediye 42 caran bi helîkopterên êrîşê hatin bombekirin.
HPG`ê ragehand ku di 31’ê Cotmehê de Qadên Berxwedanê yên Çemço û Girê Cûdî bi dehan caran bi obus, tank û çekên giran hatin bombekirin. Herwiha di 31’ê Cotmehê de artêşa TC’ê ya dagirker bi kepçeyan hewl da çeperên şer ên li Qada Berxwedanê ya Karker hilweşîne.”
