Navenda Nûçeyan
Serhildanên gel yên li dijî rêjîma Îranê roj bi roj mezintir dibin û navenda wan serhildanan jî bajarênê Rojhilatê Kurdistanê ne. Li gorî Rêxistina Efûyê ji 26 heta 28 cotmehê ve herî kêm 8 xwepêşander li ser destê rêhjîmê hatine kuştin
FacebookTwitterWhatsAppTelegram
Ji ber kuştina keça Kurd Jîna Emînî ya 22 salî, ji 16’ê Îlonê ve heta niha gelê Rojhilatê Kurdistan û Îranê ji kolanan venekişya ye.
Di roja çarşemê 26’ê Cotmehê de ku çilrojiya şînê ya Jîna Emînî bû, li Rojhilatê Kurdistanê xwepêşandan gihîştin asteke nû. Tevî gef û êrîşên hêzên rêjîma Îranê jî, bi deh hezaran kes daketin qadan û li dijî rêjîma Îranê silogan avêtin.
Di 27’ê Cotmehê de li bajarên Mahabad, Bokan, Pîranşar, Serdeşt, Bane, Seqiz, Dîwander, Dêwlan, Kamyaran, Sine, Kirmaşan û Îlamê yên Rojhilatê Kurdistanê û li gelek bajarên din çalakî hatin lidarxistin.
Li Mahabadê hêzên rêjîmê gule berdan girseya gel. Gelek sazî û bankayên dewletê ji aliyê gel ve hatin şewitandin. Avahiya qeymeqamtiyê jî ji bo demekê kete bin kontrola xwepêşandêran. Hate ragihandin ku di êrîşên hêzên rêjîmê de gelek xwepêşandêr hatin kuştin û gelek jî birîndar bûn. Li bajarê Baneyê di êrîşa hêzên dewletê de herî kêm 2 kesan jiyana xwe ji dest dan, gelek kes jî birîndar bûn. Li bajarê Dîwanderê, ji ber çilrojiya şînê ya kuştina 2 kesan çalakiyên şermezarkirinê hatin lidarxistin. Li bajarê Xuremawa ya Loristanê, Nîker Şakeremî di çilrojiya qetikirinê de hate bîranîn. Li bajarê di çalakiyên şermezarkirinê de dirûşmên li dijî dewletê hatin qîrîn û hêzên çekdar ên dewletê fîşek berdan girseya gel.Li bajarên Birucêrd û Miyandwawê yên Loristanê jî çalakiyên şermezarkirinê dewam kirin.Li gelek bajaran hêzên Îranê li hemberî berxwedana gel neçar man xwe vekişînin.Li bajarên Kerec, Meşhed, Erak, Şuş, Zahidan û gelek bajarên din ên Îranê çalakiyên şermezarkirinê hatin lidarxistin.
Li gorî Rêxistina Efûyê ya Navneteweyî ji êvara Çarşemê ve 26 Cotmehê heta 28 wê mihê , li Rojhilatê Kurdistane herî kêm 8 kes hatin qetilkirin. Yek ji bajarên ku hêzên Besîc ên paramîlîter hatin bikaranîn jî bajarê Amol ê li eyaleta Mazandaran e. Li vî bajarî 2 endamên Besîc hatin kuştin. Li gorî rêxistinên mafên mirovan û muxalîfan, ji 16’ê Îlonê û vir ve ji 234 heta 260 kesî hatin qetilkirin ku 29 ji wan zarok bûn. Xwepêşandan li nêzî 200 bajarî belav bûn û bi deh hezaran kes hatin destgîrkirin.
