Navenda Nûçeyan
Yekîtiya Tabîban a Cîhanê (WMA) xwest, agahiyên li ser bikaranîna gazên kîmyewî yên li dijî gerîla bên lêkolînkirin.
WMA destgîrkirina Seroka Yekîtiya Tabîban a Tirk (TTB) Dr. Şebnem Korûr Fîncanci bi zimanekî tund şermezar kir û xwest, agahiyên li ser bikaranîna gazên kîmyewî yên li dijî gerîla bê lêkolînkirin.
Yekîtiya Tabîban a Cîhanê (WMA) daxuyaniyeke nivîskî weşand û destgîrkirina parêzvana mafên mirovan Şebnem Korûr Fîncanci bi tundî şermezar kir.
Fîncanci ji ber ku xwestibû agahiyên li ser bikaranîna çekên kîmyewî yên artêşa Tirk ên li dijî gerîla bê lêkolînkirin, 26’ê meha cotmehê ji aliyê rejima tirk ya faşîst ve hat destgîrkirin.
Serokê Konseya WMA’yê Dr. Frank Ulrich Montgomery da zanîn ku, destgîrkirina Dr. Korûr Fîncanci û gefa li endamên Yekîtiya Tabîban a Tirk têne xwarin, teqez nayên qebûlkirin. Herwiha got, Yekîtiya Tabîban a Cîhanî (WMA) tevlî wan kesên ku dixwazin li ser nûçeyên têkildarî gazên kîmyewî yên dewleta Tirk li hemberî PKK’ê bi kar aniye, bi rengekî serbixwe bê lêpirsîn, dibe. Ev êrişên daîmî yên li hemberî endamên Yekîtiya Tabîban a Tirk bi temamî neheqî ne.