Navenda Nûçeyan
HPG`ê ragehand ku di encama çalakiyên hêzên wan de 2 dagirker hatin cezakirin û diyar kir ku dewleta Tirk a dagirker ku lihemberî çalakiyên Gerîlayên Azadiyê yên Kurdistanê bêçare maye, bi çekên kîmyewî êrîş dike.
Navenda Ragihandin û Çapemeniyê ya HPG’ê ragehand ku di encama çalakiyên hêzên wan de 2 dagirker hatin cezakirin, çeperek hate îmhakirin. Herwiha da xuyakirin ku artêşa Tirk ya dagirker gelek caran qadên gerîla bi çekên kîmyawî û bombeyên qedexekirî toparan kiriye.
HPG`ê da xuyakirin ku di 27’ê Cotmehê de li Qada Berxwedanê ya Girê Şehîd Şahan tîmên me yên bi tevger bi çekên giran du caran li dagirkeran xistin. Di van çalakiyan de 2 dagirker hatin cezakirin, çeperek hate îmhakirin. Herwiha di 27’ê Cotmehê de li Qada Berxwedanê ya Girê Şehîd Axîn tîmên me yên bi tevger ên YJA Starê bi çekên giran li dagirkeran xistin.
HPG`ê ragehand ku ji 27’ê Cotmehê saet 06:00 heta bi 28’ê Cotmehê saet di 08:00 de li Qada Berxwedanê ya Çemçoyê, çeperên şer ên li Şehîd Bahoz bênavber bi çekên kîmyewî û gazên îsotê hatin bombekirin. Dagirkeran dûyê bi jehr bi aspîratorê şand nava çeperên şer. Herwiha ji 27’ê Cotmehê ji saet 14:30 heta 15:00 de li Qada Berxwedanê ya Sîdayê, çeperên şer ên li Şehîd Felat 2 caran bi çekên kîmyewî hatin bombekirin.
HPG`ê da zanîn ku di 27’ê Cotmehê de Qada Berxwedanê ya Girê Amediyê, çeperên şer ên li Şehîd Pîrdogan 6 caran bi bombeyên qedexekirî hatin bombekirin. Di heman demê de li gel bombardûmanê gazên kîmyewî jî hatin bikaranîn. HPG`ê diyar kir ku di 27’ê Cotmehê de Qada Berxwedanê ya Sacayê, çeperên şer ên li Şehîd Xursî bi bombeyên qedexekirî 2 caran hatin bombekirin. 27’ê Cotmehê Qada Berxwedanê ya Sîdayê çeperên şer ên li Şehîd Agir 2 caran bi bombeyên qedexekirî hatin bombekirin. 26’ê Cotmehê zeviyên gundê Şêlazê yê herêma Metînayê û derdora Ava Zê 3 caran bi balafirên şer hatin bombekirin.
HPG`ê da xuyakirin ku di 27’ê Cotmehê Qadên Berxwedanê yên Kurojahro, Girê Amediyê û Girê Cûdî 14 caran bi helîkopterên êrîşê hatin bombekirin. 27’ê Cotmehê Qadên Berxwedanê yên Çemço, Girê Cûdî û Girê Amediyê bi dehan caran bi obus, tank û çekên giran hatin bombekirin.26 û 27’ê Cotmehê artêşa Tirk a dagirker hewl da bi kepçeyan çeperên şer ên li Qada Berxwedanê ya Karker hilweşîne.”