Navenda Nûçeyan
Bi wesîleya salvegera şehadeta Bêrîtan (Gulnaz Karataş), gerîlayan çalakî lidar xistin. Di çalakiyan de 14 leşkerên Tirk ên dagirker hatin cezakirin û 2 helîkopterên Skorsky hatin derbekirin.
Derbarê çalakiyên Gerîlayên Azadiyê, Navenda Ragihandin û Çapemeniyê ya HPG’ê daxuyaniyek da.
HPG`ê diyar kir ku tîmên wê yê bitevger ji bo bîranîna salvegera çalakiya dîrokî ya sembola artêşbûna wan ya jinê, fermandara nemir Bêrîtan (Gulnaz Karataş) çalakî lidar xistin û di encamê de 14 dagirker hatin cezakirin, dagirkerek jî birîndar bû. Herwiha derb li 2 helîkopterên Skorsky û çeperekê hate xistin.
HPG`ê diyar kir ku di 21’ê Cotmehê de li Qada Berxwedanê ya Sîdayê, tîmên wan yên bi tevger xwe berdan nava dagirkerên li dora çeperên şer ên Şehîd Agir û ji nêz ve lê dan.Di encamê de 8 dagirker ceza kirin. Herwiha di 22’ê Cotmehê de li Qada Berxwedanê ya Çemçoyê, tîmên wan yên bi tevger derb li çepereke dagirkeran xistin.
HPG`ê da xuyakirin ku di 23’ê Cotmehê de li Qada Berxwedanê ya Çemçoyê, tîmên wan li dagirkeran xistin û di encamê de 2 dagirker hatin cezakirin. HPG`ê ragehand ku di 23’ê Cotmehê de li Qada Berxwedanê ya Çemçoyê, tîmên wan çalakî kirin û dagirkerek ceza kirin, yek jî birîndar bû. HPG`ê da zanîn ku di 23’ê Cotmehê de li Qada Berxwedanê ya Çemçoyê, tîmên wan bi çekên giran li dagirkeran xistin û encamê de 3 dagirker hatin cezakirin.
HPG`ê ragehand ku di 23’ê Cotmehê bi şev li Qada Berxwedanê ya Sacayê helîkopteran xwestin hêzên xwe li qadê deynin, tîmên wan yên bi tevger lê dan. 2 helîkopterên Skorsky yên derb ji hêzên me xwarin bêyî ku karibin hêzên xwe li qadê deynin neçar man ji herêmê biçin.
HPG`ê da xuyakirin ku di 23’ê Cotmehê li Qada Berxwedanê ya Girê Cûdî çeperên şer ên Şehîd Yûnûs, li Qada Berxwedanê ya Çemçoyê çeperên şer ên li Şehîd Botan û Şehîd Bahoz, li Qada Berxwedanê ya Sîdayê çeperên şer ên li Şehîd Felat 7 caran bi bombeyên qedexekirî û çekên kîmyewî hatin bombekirin.”