Navenda Nûçeyan
Navenda Ragihandin û Çapemeniyê ya HPG’ê ragehand ku di çalakiyên hêzên wan de 5 leşkerên Tirk ên dagirker hatin cezakirin. Herwiha HPG`ê diyar kir ku dagirkeran 17 caran bi bombeyên qedexe û çekên kîmyewî êrîş kirin.
Navenda Ragihandin û Çapemeniyê ya HPG’ê bi daxuyaniyekê ragehand ku di çalakiyên gerîlayan de 5 leşkerên Tirk ên dagirker hatin cezakirin û got: “Di çalakiyên hêzên me de 5 dagirker hatine cezakirin, 3 dagirker birîndar bûne. Di heman demê de çeperek, radarek, mobeseyek û konekî leşkerî hate îmhakirin. Artêşa Tirk a dagirker Qadên Berxwedanê 17 caran bi bombeyên qedexe û çekên kîmyewî û bi dehan caran jî bi tankan bombe kiriye.”
HPG`ê da xuyakirin ku di 20’ê Cotmehê de dagirkeran dema ku xwestine li dora çeperên şer ên Şehîd Felat pergala kamerayê ya mobeseyê bi cih bikin, hêzên wan li dagirkeran dane û dagirkerek hate cezakirin û pergala kamerayê ya mobeseyê hate îmhakirin. Herwiha ragehand ku di 20’ê Cotmehê de li Qada Berxwedanê ya Çemçoyê tîmên wan yên gerok bi çekên giran 3 caran li dagirkeran dan û 4 dagirker hatine cezakirin û dagirkerek jî birîndar bûye.
HPG`ê da zanîn ku di 20’ê Cotmehê de tîmên wan yên gerok ên YJA Starê bi çekên giran li dagirkerên li Qada Berxwedanê ya Girê Cûdî dane û 2 dagirker birîndar kirine.
HPG`ê da xuyakirin ku di 20’ê Cotmehê de çeperên şer ên Şehîd Felat a li Qada Berxwedanê ya Sîdayê 5 caran bi bombeyên qedexe û 5 caran jî bi çekên kîmyewî hatine bombekirin. Herwiha çeperên şer ên Şehîd Yûnûs a Qada Berxwedanê ya Girê Cûdî, çeperên şer ên Şehîd Xursî yên li Qada Berxwedanê ya Sacayê, çeperên şer ên Şehîd Agir ên li Qada Berxwedanê ya Sacayê û çeperên şer ên Şehîd Bahoz a li Qada Berxwedanê ya Çemçoyê bi bombeyên qedexe û çekên kîmyewî 7 caran hatine bombekirin.
