Zana Roj/Şehba
Dayîkên Aşîtiyê yên herêma Şehbayê bi daxuyaniyekê êrişên dewleta Tirk ya dagirker yên ser qadên gerîla şermezarkirin û bang li civaka navdewletî kirin ku bi erkê xwew yê exlaqî rabin.
Komîteya Dayîkên Aşîtiyê Ya MeclIsa Malbatên Şehîdan ya herêma Efrînê bi daxuyaneyekê êrişên dewleta tirk ya dagirker yên li ser qadên gerîla, bi tundî şermezar kirin û bang li civaka nevnetewyî kir ku bi erkê xwe yê exlaqî rabe û çavê xwe ji sûcên dijmirovî yên dewleta tirk negre.
Daxuyanî wiha bû:
“Em Dayîkên Aştiyê êrşên dewleta dagirker ya Turk bi tundî şermezar dikin. Êrşên hovane yên duh li dijî şervanên azadiyê gerîla yên bi çekên kîmyesal yên qedexekirî ku di encamê de \17\ parêzvanên azadiyê gihîştin asta şahadetê, li ber cavê civaka navnetewî û meclîsa awlekariya û saziyên mafên mirovan yên navdewletî hatiye kirin.
Dewleta dagirker ya faşîzimê bi hemû cureyên şêwazên tundî û tirorê êrişî herêma paristinê dike û komkujiyan pêk tîne. Herwiha siyaseta qirkirinê dimeşîne û hemû pîvanên mirovahiyê binpêdike. Armanc wê valakirina herêmê ji gelên resen yên azadîxwaze û wêrankirina xwazaya di kurdistanê û Rojhelata Navîn e. Lê berxwedaniya bê hempa ku ji aliyê gerîlêa tê meşandin, têkçûna dewleta dagirker e, ji ber wê yekê dewleta faşîzimê bi hêrs bûye û asteng bûye.
Em weke Dayîkên Aştiyê tu carî van êrşan qebûl nakin û carekî din bi tundî em şermezardikin û bangawaziya me ji civaka navnetewî û meclîsa awlekariya navnetewî re heye da ku van êrşan bisekinînin û kûjeran ceza bikin û bi erk û berpirsiyariya xwe ya exlaqî û mirovî rabin û rê li pêş vê şerî bigirin da ku ewlekarî û aramî û aştî pêk were.”
