Zana Roj/ Şehba
Ji bo şermezarkirina bikaranîna çekên kêmyawî ji aliyê dewleta Tirk a dagirker ve li ser Herêmên Parastina Medya, li herêma Şehbayê meşeke girseyî hat lidarxistin.
Dewleta Tirk a dagirker ya faşîst careke din li dijî gerîlayên azadiyê û Herêmên Parastina Medya çekên kîmyawî bikar anî. Ev ne cara yekemîne ku dewleta faşîst vê hovîtiyê dike. Ji ber bêdengiya cîhanê, dagirkeriya tirk êrişên xwe yên bi çekên kîmyawî yên li dijî qadên gerîla zêde kirin e û ev jî hevkariya hêzên navnetwî ya dewleta tirk ya dagirker e nîşan dide.
Îro li herêma Şehbayê bi hezaran şêniyên Efrînê û Şehbayê daketin qadan û êrişên kîmyawî yên dewleta tirk ya dagirker yên dijî qadên gerîla şermezar kirin.
Meş li navçeya Fafînê ya Şehbayê hat lidarxistin. Di meşê li ser navê Tvgera Ciwanên Şoreşger û Meclisa kantona Efrînê axaftin hatin kirin.
‘Gerîlayên azadiyê pergala osmaniya hilweşandiye’
Derbarê bikaranîna çekên kîmyawî ji aliyê dewleta tirk ya dagirker ve li dijî qadên gerîla endama Komîteya Perwerdê Hêvî Silêman ji me re axivî û wiha got: “dwleta Tirk a dagirker bi van êrîşên xwe yên hovane dixwaze Tevgera Azadiyê tine bike, lê Tevgera Azadiyê dîroka xwe bi xwîna şehîdan nivîsandiye, dewleta faşîsat a tirk û tavahî dewletên navnetewî hevkarê sûcên dijmirovî ne”.
Hêvî Silêman diyar kir ku bêdengiya dewletên navnetewî hevkariya bi tirkiyê re nîşan dide û got: “Çi dibe bila bibe Tevgera Azadiyê wê muheqeq hemû çûre êrîşên dagirkeriyê têk bibe”
‘Parastvanên xeta azadiyê Kabûsa dagirkera ne’
Cîgirê Meclisa Kantona Efrînê Ferhad Dade jî êrişên kîmyawî yên dewleta Tirk ya dagirker şermezar kir û got: “Gelê kurd û ereb û tavahî pêkhatieyên ku di bakur û rojhilatê suriyê de jyan dikin, li ser peradîgmaya Rêber Ocallan dimeşin, gerîlayên azadiyê temsîlkar û parstvanên xeta Rêbertiyê ne, em hovîtî û bêexlaqiya dewleta Tirk a dagirker ku îro li ser Şervan û gelê me pêk tîne şermezar dikin û wê ti carî faşîst neghîne xeyalên xwe yên tunekirina Kurdan”.
