Navenda Nûçeyan
HPG`ê ragehand ku di encama çalakiyên hêzên wan de 13 leşkerên Tirk yên dagirker hatin cezakirin.
Hêzên Parastina Gel HPG`ê bi daxuyaniyekê diyar kir ku hêzên wan 13 leşkerên Tirk yên dagirker ceza kirin.
HPG`ê di daxuyaniya xwe de diyar kir ku Gerîlayên Azadiyê yên Kurdistanê bi rêbaza şerê tîm ê pispor li her qadê derbên giran li artêşa Tirk a dagirker dixin û got: “Bi çalakiyan hate ispatkirin ku rêbaza şerê tîm ê pispor ji metropolan heta bi Bakurê Kurdistanê, ji Bakur heta bi Herêmên Parastinê yên Medyayê li her derê teknîk û îstîxbarata dijmin dikare bê pûçkirin û derbên gelekî bi bandor ji nişka ve li dijmin bê xistin.”
HPG`ê da xuyakirin ku hêzên wan bi performansa şer a bilind û bi taktîkên afirîner hem derbên xurt li dijmin dixin hem jî çewtkirin û derewên eniya şerê taybet a Tirk pûç dikin û wiha dewam kir: “Tîmên me yên profesyonel ên xwe bi ruhê fedaî yê Apoyî xurt kirine, bi çalakiya xwe ya dawî ya li Botanê ev yek careke din ispat kirin û raxistin pêş çavan.Di encama çalakiyên hêzên me de 13 dagirker hatin cezakirin, dagirkerek jî birîndar bû.”
HPG`ê ragehand ku 13’ê Cotmehê saet di 09:00 de li navçeya Şax a Wanê li qada Kato Xelîlayê, tîmên me yên bi tevger ên YJA Starê komeke dagirkeran a ji 13 kesî xistin bin kontrola xwe. Herwiha da zanîn ku hêzên wan saet di 17:50’î de ji sê baskan ve bi rengekî koordîneyî bi çekên ferdî li dagirkrean xistin. Di vê çalakiyê de ku ji sê baskan ve bi çekên ferdî û ji nêz ve li dagirkeran hate xistin, 10 dagirker hatin cezakirin, dagirkerek jî birîndar bû. Piştî ku helîkopterên êrîşê û balafirên şer bombardûmaneke giran li qadê kirin, dijmin mirî û birîndarên xwe bi 5 helîkopterên Skorsky ji qadê birin.
HPG`ê diyar kir ku 16’ê Cotmehê saet di 09:00, 12:00 û 15:50’î de li Qada Berxwedanê ya Çemçoyê, tîmên wan yên bi tevger bi çekên giran sê caran li dagirkeran xistin. Di encama van çalakiyan de 3 dagirker hatin cezakirin.Di16’ê Cotmehê saet di 22:00 de li Qada Berxwedanê ya Girê Cûdî tîmên me yên bi tevger bi çekên giran li dagirkeran xistin.