Navenda Nûçeyan
TEV-DEMʹê derxistina şewatê ya li Girtîgeha Evîn a Tehranê şermezar kir û got, divê rêxistinên hiqûqî , yên jinan, rêxistinên civaka sivîl, hêzên demokratîk û siyasî destek û piştgiriyê bidin îradeya gelên Rojhilatê Kurdistanê û Îranê.
FacebookTwitterWhatsAppTelegram
Tevgera Civaka Demokratîk (TEV-DEM) bi daxuyaniyekê şewata li Girtîgeha Evîn a li bakurê paytexta Îran Tehranê şermezar kir û banga xwedîderketina li serhildana li Rojhilatê Kurdisatnê û Îranê kir.
TEV-DEMʹê da xuyakirin ku li seranserî bajarên Rojhilatê Kurdistanê û Îranê pêla xwepêşandan û çalakiyan berfireh dibe û bi pêşengiya jinan û bi dirûşmeya (Jin, Jiyan Azadî) ev xwepêşandan veguherîn şoreşa civakî, demokratîk û exlaqî ya nûjen.
TEV-DEM`ê diyar kir ku rêjîma Îranê ji bo rawestandina têkoşîna şoreşgerî ya bi pêşeniya jinan bêçare ma ye û got: “Jin bûye sembola îradeya azad û pîroz û asta bandoriya wê ya mirovî li herêmê û cîhanê, nemaze li tevger û rêxistinên jin û ciwanan belav bû.”
TEV-DEM`ê balkişand ser zextên rejîma Îranê yên li ser xwepêşanderan û got: “Ruxmî hemû hewldan û rêbazên tepisandinê û bikaranîna guleyan, ruxmî ku artêş û hêzên ewlehî yên rejîma molla li kolanên bajaran belav bûn da ku careke din serweriya xwe li dijî nirx û exlaqên gel û pêkhateyên hevgirtî yên Rojhilatê Kurdistanê û Îranê ferz bike lê bi bin ket, ji ber ku rejîmê xeta tundiya plankirî hilbijart û sûcên zêdetir li ser jin û zarokan pêk anîn da ku îradeya wan bişkîne.”
TEV-DEM`ê da xuyakirin ku rejîma Îranê hewl dide tolê ji îradeya gelan hilîne û wiha got: “Li şûna ku diyalogên civakî yên demokratîk ji bo dîtina çareseriyên bingehîn û aştiyane yên guncaw ava bike, lê dîktatoriyê nîjadperest a rejîma molla şoreşa azadî û edaleta civakî tehemul nake, ji ber vê yekê agir berda girtîgeha Evîn, di encamê de bi dehan girtiyên siyasî hatin qetilkirin û gelek jî birîndar bûn.”
TEV-DEM`ê da zaînîn ku şewata zindana Evîn sûcek li dijî mirovahî û li dijî îradeya gelan û got: “Em bang li Neteweyên Yekbûyî û rêxistinên hiqûqî û yên jinan û tevahî rêxistinên civaka sivîl û hêzên demokratîk û siyasî yên li herêmê kir ku destek û piştgiriyê bidin îradeya gelên Rojhilatê Kurdistanê û Îranê û zext li rêjîma Îranê bikin da ku binpêkirinên xwe rawestîne.”