Dilîn Ehmed-Qamişlo
Desteya Tenduristiya ya Kantona Qamişlo, ji ber kêmbûna Oksicînê, li bajarê Qamişlo Kargeheke Oksicînê, vekir.
Îro li bajarê Qamişlo 11/10/2022 di seatên sibehê de, Desteya Tenduristiyê ya Kantona Qamişlo, li navenda Jiyan ya Kovîd 19, Kargha Oksicînê vekir. Piştî xuleyek bê deng li ser giyanê şehîda, ji aliyê Desteya Tenduristiyê, Heyva Sor ya Kurd, Saziya Malatê Şehda, Meclisa Bicîkirinê ya Kantona Qamişlo û saziyên wê, Kargeha Oksicînê hat vekirin.
Rêveberê Desteya Tenduristiyê bijîşk Xalid Dawûd li ser armanca vekirina kargehê ji rojnameya me re axivî û diyar kir ku, ji ber kêmbûna Oksicînê li navendên tenduristiyê, pêwîstiya wan bi vekirina Kargeha Oksicînê hebû. Herwiha Berdevka Meclisa Bicîkrinê Ahîn Siwîd jî, vekirina kargehê wek gaveke pîroz pênase kir û li gel pîroz kir.
`Vekirina Kargeha Oksicînê wê bibe çareserkirina gelek pirzgirêkan`
Bijîşk Xalid Dawûd axaftina xwe wiha domand: “kargehên me yê Oksicînê hene, lê di dema belavkirina nexweşiya Korona, me gelek zehmetî di aliyê peydakirina Oksicînê de dikşand. Lewra her du kargehên me yê li bajarê Dêrik û Hesekê, rojê 35 şûşê tenê, derdixistin. Ji bo wê jî me pêwîstî bi vekirina kargehê dît. Kargeha bi alîkariya saziyên Emerîkî ku bi 264 hezar û 660 dolar, wê rojê 300 şûşeyî derbixîne.”
Herî dawî bijîşk Xalid Dawûd got, şûşê Oksicînê heta mehek û nêvekê wê bê pere be. Pişt re wê ji bo navendên tendurisiyê yên giştî bê pere be, ji bo navnd û nexweşxaniyên taybet jî wê bi pereyên kêm be.
`Gaveke pîroze`
Herwiha Berdevka Meclisa Bicîkirinê ya Kantona Qamişlo Ahîn Siwêd jî wiha got: “Di rewşeke wiha da ku gelek navendên tenduristiyê li ser destê çeteyan xira bûne, vekirina kargeheke bi vî rengî wê gelek pirsgirêkên tenduristiyê werin çareserkirin.”
Ahîn Siwêd di dawiya axaftina xwe de vekirin Kargeha Oksicînê ya Navenda Kovîd 19 li desteya tenduristiya û gelê herêmê pîroz kir. 