Navenda Nûçeyan
Înîsiyatîfa Jinên Tîrêjên Rojê ragihand, ku li navçeya Geverê ya Colemêrgê li dijî polîsan çalakî lidar xistine. Hate ragihandin ku di encama çalakiyan de 4 polîs hatine cezakirin, 5 jî birîndar bûne.
bi daxuyaniyekê ragihand ku di navbera 20’ê Îlonê û 3’ê Cotmehê de wan li dijî wesayit û qereqola polîsan çalakî lidar xistine.
Înîsiyatîfa Jinên Tîrêjên Rojê di daxuyaniyê de diyar kir ku yekîneyên wan ji bo ku çalakiya hevalên Şehîd Sara û Şehîd Rûken silav bikin, li Geverê di 20-24 û 30’ê Îlonê de çalakî lidar xistin.
Înîsiyatîfa Jinên Tîrêjên Rojê ragehand ku 20’ê Îlonê bi şev saet derdora 7-8’an de li sûkê bi fîşekên hewayî û bombeyên deng li hemberî mala polîsan çalakî hate lidarxistin.
Însiyatîfê da xuyakirin ku di 24’ê Îlonê li taxa Cûmhûriyetê ya Geverê bi şev saet di 11:30’î de li hemberî wesayitên zirxî û wesayitên polîsan ên sivîl ên li dewriyeyê digeriyan bi sabotajê çalakî hate lidarxistin. Wesayita polîsan a sivîl bi temamî îmha bû, 2 polîsên dewleta Tirk a dagirker ên tê de hatin cezakirin, yek jê giran 2 dagirker jî birîndar bûn.
Însiyatîfê da zanîn ku di 30’ê Îlonê bi şev saet di 00:00 de li taxa Orman a Geverê li hemberî qereqola polîsên dagirker ji du baskan ve bi bombeyên deng û molotofan çalakî hate lidarxistin. Dagirkerên ku tirs û panîk kete nava wan, heta sibehê li derdorê reşandin.
Înîsiyatîfê diyar kir ku li dijî komploya 9’ê Cotmehê ya li hemberî Rêberê Gelê Kurd Abdullah Ocalan di 3’ê Cotmehê de li taxa Kişla ya Geverê li qereqola polîsan a li 75’an xistine û wiha got: “Saet di 20:00-21:00 de yekîneyên me li qereqola polîsan a 75’an xistin ku taxa me dagir kiriye. Ji du baskan ve bi bombeyên destan û yên deng çalakî hate lidarxistin. Piştî çalakiyê li hemberî polîsên tîmên taybet ên berê xwe dan taxa me, bi çekan çalakî hate kirin. Bi çekên ferdî li polîsên tîmên taybet hate xistin û demeke dirêj şer qewimî. Piştî vî şerî, bi qasî ku yekîneyên me tespît kriin 2 polîsên dagirker hatin cezakirin, 3 polîs jî birîndar bûn ku rewşa yekî ji wan giran e.”
Înîsiyatîfa Jinên Tîrêjên Rojê da dawiya daxuyaniya xwe de diyar kir ku yekîneyên wan piştî van çalakiyên wan yên serketî bi rengekî ewle gihîştin qadên xwe.