Mihemed Xanim / Qamişlo
Wênesaz Ciwan Nibiş diyar kir ku Wênesazî cîhana mirov ya hundir e û got, ez bi evîndariyekê mezin bi xêzkirina wêneyan ve hatime girêdan û roj bi roj hiskirina min ji wênesaziyê re zêde dibe.
Di jiyana her mirovan de hunera xeyal û xewnên zarokatiyê heye. Li gorî wê xeyalê dibe xwedî pîşe û kar. Lewra bi xwesteka dilê mirovan û israra karê xwe hêdî hêdî dibe xwedî berhem û huner. Ew huner bi evîndarî belav dibe. Di hindirê her mirovekê de cîhanek heye. Ev cîhana mirov her dem di nava lêhûrbûnekê de ye. Lewra yek ji berhemên ku di nav civakê û cîhanê de belavbûyî hunera wênesaziyê ye. Hûnera Wênesazî, dîrokekê pir dirêj heye. Em dikarin bêjin mirovahiyê bi xîzkirina jiyana xwe, derdorê xwe, bûyer û çanda xwe hem danasina serdema xwe kiriye hem jî hunera wênesaziyê afirandin ye. Her wiha hest û ramanên xwe derxîstine hole. Li ser bingeha wê mirovan kariye di roja me ya îro de jî bi tabloyên xwe hêstên ku jiyan dike bi civakê re parve bike û peyamên xwe bi vê rêyê digihînin civakê. Di lêvegera lêkolînên dîrokî de tê payîn ku, hunera wênesaziyê dîroka wê vedigere 20 hezar sal a beriya zayinê. Bi kurtahî bi armanc be, ne bi armanc be mirovên her serdemekê bi bi xîzkirina wêneyan danasîna jiyan û hebûna xwe, çand û civaka kirine û di dîrokê de jî mayînde kirine; ev hûnere bûye şêvazekî parastina dîrok, çand û hestên civakan.
’Wênesazî xeyala min ya zaroktiyê bû’
Yek ji wênesazên ku em rastê wî hatin Ciwan Nibiş e, bi hest û ramanên kur di wêneyên xwe de gelek çîrokan vedibêje û rastiya civaka xwe derdixe holê.
Ciwan di sala 1989’an li gundê Dimlya yê girêdayî Kantona Efrînê ji dayîk bûye, xwendina xwe ya seretayî û navîn li gundê xwe qedandiye. Xwendina qonaxa amadeyî jî, li bajarê Efrînê bidawî kiriye. Pişt re li zanîngeha Helebê dest bi xwandina beşa huqukê kiriye lê, ji ber şerd û mercên jiyanî dest ji zanîngehê berdaye û lêbelê dest ji xeyalên xwe yên zarokatî bernada û wênesaziya xwe pêş xist.
Şêwekar Ciwan ku ji Kantona Efrînê ye, çîroka xwe ya wênesaziyê ji rojnameya me re vegot.
Ciwan di destpêka axaftina xwe de diyar ku ew ji zarokatiya xwe de ji vê hunerî hes dikir û çiqas ev hûnera xwe pêşxist, heskirina wî li ser vê hûnerê xurttir bû.
Ciwan da zanîn ku Ji ber ku ewî bi hûnera xwe dibistan û xwandevanên dibistanê hemû hemêz kiribûn, mamosteyên wî yên qonaxa seretayî jê re digotin, ‘Wênesazê Dibistanê’.
Ciwan li ser hûnera xwe wiha got: “Di dibistanê de heyecana min a waneya wênesaziyê, pir zêde bû û ez her tim li benda saeta waneya wênesaziyê bûm, da ku ez wêneyekê saz bikim. Lê tevî jêhatîbûna min ya di wênesaziyê de jî, ne mamosteyên min, ne jî malbata min piştgiriya min dikir. Tenê ji min re digotin, ‘baldarê xwendina xwe be, wênesazî bê sûde!”
’Heta li ser kevirên gundê xwe jî min wêne xêz dikirin’
Ciwan ji ber hezkirina xwe ya ji wênesaziyê re li ser dîwarê mala xwe , lênûs, pirtûkan û hin caran li ser kevirên gund yên mezin jî, wêne xêz dikirin .Di destpêka fêrbûna wênsaziyê de, wî bi pênûsa resas wêne xêz dikir û di temênê 13 salî de jî bi xwelîyê, wêne saz dikir.
Ciwan diyar kir ku bêyî alîkariya ti kesî, wî rengên avî bikar anîn, asta wî bi dem re pêş ket û di xêzkirina wêneyan de bû pispor.
’Wênesaz bi xêzkirinê hestên xwe vedibêje’
Ciwan behsa wênsaziyê kir û wiha got: ” Berhemên ku mirov pê re ked dide pîroz û xwedî wate ne. Wekî beşeke hunerê, wêne jî yek ji wan berheman e ku hestê mirovekî, li ser çarçoveyekê dide xuya kirin. Dema mirov li wêne binêre, hestê wênesaz di nava xêzên wêneyê de, xwe vedibêjin.”
Wênesaz Ciwan diyar kir ku heskirina wî ya xêzkirina wêneyan, derketiye asta evîndariyê û got, her mirovek bi taybetmendiyên xwe dixwaze li gorî hest û ramanên xwe jiyanê, rastiyê û cîhana xwe ya hundirîn derxe holê. Ez jî bi hunera xwe ya wênesaziyê jiyana xwe vedibêjim û di tableyên xwe de rastiya jiyana civaka xwe, diraxim ber çavê cîhanê.
Wênesaz Ciwan Nibiş da xxuyakirin ku ewê her tim xêzkirina wêneyan dewam bike û axaftina xwe wiha qedand: ” Her çiqas diçe hiskirina min ji wênesaziyê re zêde dibe. Ev bûye parçeyekê jiyana min û di her kêliya jiyana min de wê ev hûnera min bidome.”
Hêjayî gotinê ye ku Ciwan Nibiş di dema niha de di rewş û zehmetiyên koçberiyê de, wêneyên Bortirê û Rasteyî xêz dike û li ser xêzkirina wêneyên kesayetan dixebit e.