Navenda Nûçeyan/Qamişlo
Hêzên Rizgariya Efrînê bi daxuyaniyeke nivîskî ragihand ku şervanê wan Zanyar Xelîl (Zinar Efrîn) di 2`yê Cotmehê de dema li ser erkê xwe, gihîştiye şehadetê.
Daxuyaniya Hêzên Rizgariya Efrînê de hat diyar kirin ku rêhevalê wan Zanyar Xelil dema li ser erkê xwe di encema qirîza dil de şehît ketiye û got, emê şopdarên rêya şehidê xwe bin û soza me jî wê serkeftina tekoşina azadiyê be
Daxuyaniya HRE ya têkildarî mijarê wiha ye:
“Rêhevalê me Zinar Efrîn roja 2’yê Cotmehê dema li ser erka xwe bû, di encama qrîza dil de gihîşt şehadetê.
Rêheval Zinar ji bajarê Efrînê ye ku bi nirxên xwe yên Kurdayetîyê girêdayî ye mezin bûye. Çanda welatparêziyê a malbatê û derdorê wî li ser rêhevalê me Zinar jî bi awayekî berbiçav bandor kiriye. Yek ji berxwedêr û têkoşerê Berxwedana Serdemê a Efrînê rêheval Zinar, çawa ku baya Şoreşa Rojava a ku mirovên dilê wî ji bo azadîyê lê dida bandor kir ew jî ji vê bayê bandor bû. Rêheval Zinar bi ruhê ciwantîyê tev li xebatên şoreşê bû. Di rojên reş û tarî, di demên tengasiyê de xwe neda kêlekê û cihê xwe eniya pêş da girt. Berpirsyartîyên xwe yên li hember gel û erkên neteweyî ên parastina welatê xwe di dem û wextê xwe da pêk anî. Her tim êşa gelê xwe êşa xwe hîs kir û ji bo rizgarkirina bajarê Efrînê hertim amade bû. Lê mixabin dilê wî yê mezin zêde li ber xwe neda.
Her çi qas me bi fîzîkî rêhevalên xwe wenda kiribe jî me wana spartiye dilê xwe û bi ruhê wan ê zindî meşa xwe ya azadîyê bimeşînin. Em wek rêhevalên Zinar û şopdarên lehengên xwe di wê îdia û biryarê de ne ku wê rojekê hemû hevîyên wan pêk bînin. Soza me wê serkeftina me be. Em di serî da sersaxîyê ji malbata şehîdê xwe re û gelê xwe yê birûmet re dixwazin.
Nasnameya hevrêyê me yê şehîd wiha ye;
Nasnav: Zinar Efrîn
Nav û Paşnav: Zanyar Xelîl
Navê Dayikê: Fîdan
Navê Bav: Ismet
Cih û Dîroka Şehadetê: 2’yê Cotmeha 2022.”
