Navenda Nûçeyan / Qamişlo
PJAK, KJAR û KODAR’ê diyar kirin ku pêwîstî bi pêngavek di asta bilindtir de heye û gotin, divê bi rêbazên cûda weke grev û nerazîbûn, guhertin werin kirin.
Partiya Jiyana Azad a Kurdistanê (PJAK), Civaka Jinên Azad a Rojhilatê Kurdistanê (KJAR) û Civaka Demokratîk û Azad a Rojhilatê Kurdistanê (KODAR), bi daxuyaniyek hevbeş bang li hemû xelkê Rojhilatê Kurdistan û Îranê kirin da ku ji bo şermezarkirina dewleta Îranê, îro tevlî greva giştî bibin.
PJAK, KJAR û KODAR’ê di daxuyaniya xwe ya hevbeş de diyar kirin ku raperîna gel gihiştiye asteke bilind û wih gotin: “Heya îro raperîn gihîştiye astek berçav û bersivek bi sûd. Lê pêwîstî bi pêngavek di astek bilindtir de heye, divê bi rêbazên cûda weke grev û nerazîbûn, guhertin werin kirin.”
PJAK, KJAR û KODAR’ê bang li tevaiya welatiyên Rojhilatê Kurdistanê û Îranê kirin ku têkoşînê bighînin gonaxeke nû wiha daxuyaniya xwe qedandin: “Em bang li jin, karker, xwendevan, xwendevanên zanîngehê, mamoste, rewşenbîr, kasibkar, çalakvanên siyasî, werzîşvan, hunermend û cotyaran dikin ku têkoşîna azadiyê bigihînin qonaxek nû û berfirehtir bikin. Şoreşa ‘Jin Jiyan Azadî’ bi tevlîbûna hemû gelên Îran û Rojhilatê Kurdistanê, ji bo bidestxistina azadiyê, bûye haveyna herî mezin a şoreşa sedsala bîst û yekem a li ser bingehê azadiya jinan û gelan. Serhildana gelan niha gihîştiye astek ku destketiyên mezin bi dest xistiye û garantiya azadiyê di demek nêzîk de ye.”
