Navenda Nûçeyan-Qamişlo
Komîteya Perwerdeyê ya Wqafa Jina Azad li Sûriyê bi daxuyaniyekê ragehand ku ji bo danasîna Şerê Gelê Şoreşgerî wan dest bi kampanya serdana mal û taxan kiriye û wiha got, Ji bo civak xwe biparêze, divê li ser esasê Şerê Gelê Şoreşgerî tevbigere.
Komîteya Perwerdeyê ya Wqafa Jina Azad li Sûriyê, ji bo destpêkirina danasîna têgeha Şerê Gelê Şoreşgerî bi gele re daxuyaniyek da.
Daxuyanî li ber navenda Weqfê ya bajarê Qamişloyê ji aliyê Nebîla Hemî ve bi zimanê Erebî hate xwendin.
Komîteya Perwerdeyê ya Wqafa Jina Azad li Sûriyê di daxuyaniyê de diyar kir ku ji bo rêxistina gel û têghiştina wan ji aliyê şerê şoreşgerî ve, wan weke Komîteya Perwerdeyê ya Weqa Jina Azad Li Sûriyê, dest bi kampanya serdana mal û taxan kir
û wiha got: ” Gelên berxwedêr bi taybet gelê Kurd, li ser çawaniya parastina xwe dIVê nîqaşan bike, ji ber ku ew dixwazin qanûnên parastinê bi awayekî herî baş li ser axa civaka xwe pêk bînin.”
Di daxuyaniyê de hate destnîşankirin ku divê gel bi giraniya qonaxa ku herêm tê re derbas dibe zanibin.
Herwiha di daxuyaniyê de bang li gelan hat kirin ku, ji bo jiyaneke azad û bi rûmet divê xwe biparêzin û wiha got: “Li hember rastiya Dewleta Navnetewyî ye ku li ser komkujî û qirkirina gel hatiye avakirin, parastin û berxwedan ji her tiştî girîgtir û pêwîste.”
Di daxuyaniyê de parastina cewherî weke rêbaza hebûna şaristaniya demokratîk hate pênasekirin û wiha hate gotin: “Şerên ku li dijî civak û gelan ya beriya 5 hezar salan ve dihat meşandin, weke kuştin, îstîsmar û hwd. Eta niha berdewam me. Lewera divê gelê me bi berxwedana xwe ji wan re bibe bersiv.”
Di dawiya daxuyaniyê de wiha hate gotin: “Ji bo civak xwe ji van hemû şeran biparêze û bigihêje azadiya xwe, divê li ser esasê şerê gel ê şoreşgerî weke pêwîstiyeke lezgîn ya parastina hemû mirovahiyê tevbigere.”