Navenda Nûçeyan/ Qamişlo
HPG’ê ragehand ku di çalakiyên gerîlayên azadiyê yên Kurdistanê de 8 leşkerên Tirk ên dagirker hatin cezakirin û got, ji ber ku dagirkeran li hemberî gerîla bêçare mane, 16 caran bi bombeyên qedexekirî û çekên kîmyewî êriş kirin.
FacebookTwitterWhatsAppTelegram
Hêzên Parastina Gel HPG’ê bi daxuyaniyekê ragehand ku di çalakiyên gerîlayan de 8 dagirker hatine cezakirin û konekî leşkerî hate îmha kirin.
HPG’ê di daxyuniya xwe de diyar kir ku gerîla bûye hêvî ji gelên bindest re û wiha got: “Ji ber ku gerîla gihîştiye wê astê ku artêşa Tirk a dagirker têk bibe û alternatîfa sîstema dewletên hegemon pêşkêş kiriye, tirsê berdide nava dilê van dewletan. Ji ber vê yekê bi her awayî piştgiriya teknîkî didin dewleta Tirk a dagirker, bikaranîna çekên kîmyewî û bombeyên di asta navneteweyî de qedexekirî ne, ku ji aliyê artêşa Tirk ve têne bikaranîn, ji nedîtî ve tên. Gerîlayên Azadiyê yên kurdsitanê ku bi wêrekî û fedakariyeke bilind li ber her cûre êrîşan radibin, berdêlan bide jî wê heta dawiyê dest ji vê berxwedanê bernedin.”
HPG’ê da zanîn ku bi bicihanîna gerîlatiya modernîteya demokratîk û hunera lêdanê ya xurt, çalakiyên wan yên ku derbê li dagirkeran dixin wê her dewam bikin.
HPG’ê derbarê çalakiyên gerîlayan de wiha got: “Di çalakiyên hêzên me de 8 leşkerên Tirk ên dagirker hatin cezakirin, koneke leşkerî hate îmhakirin. Artêşa Tirk a dagirker Qadên Berxwedanê 16 caran bi bombeyên qedexekirî û çekên kîmyewî, 3 caran bi balafirên şer, 40 caran bi helîkopterên êrîşê û bi dehan caran jî bi obus, hawan û tankan bombe kir.”
