KNK’ê Kiryarên şovenîst ên dewleta Îranê bi tundî şermezar kir û bang li xelkê azadîxwaz û demokrasîxwaz ê Kurdistan û Îranê kir ku li ser armanc û xebata xwe ya rewa berdewam bin û rê li ber komkujiyên dewletê bigirin.
divê Kurd ji van geşedan û guhertinên li Rojhilata Navîn bi giştî sûdê werbigirin û bi taybetî jî welatên ku Kurdistan dagir kirine, li ber guherînê ne.
FacebookTwitterWhatsAppTelegram
Derbarê serhildana li Rojhilatê Kurdistanê Kongreya Neteweyî ya Kurdistanê (KNK) daxuyaniyek nivîskî weşand.
KNK’ê diyar kir ku serhildana girseyî ya li Rojhilatê Kurdistanê û Îranê ketiye qonaxeke nû û wiha got: “Pêvajoya azadîxwaziya gelê me û têkoşîna demokratîk û israra ji bo bidestxistina mafên xwe û bicihanîna daxwazên biryardariya xwe nîşan dide. Amadebûna xelkê ya li kolanan asta bilind a şoreşê û îradeya xurt a gelê azadîxwaz e.”
KNK’ê da xuyakirin ku “Jin, jiyan, azadî ” sembola neteweya azad e û wiha tê got: ” Dengvedana vê dirûşmê li Îran û hemû Cîhanê, em Kurd û Kurdistanî kirine navendeke ji wateyên têkoşîna neteweyên azadîxwaz ji bo xebateke serdemê xurt kirine. Li aliyê din, krîz û pirsgirêkên dewleta Îranê li nav xwe û derve, şert û mercên guncaw peyda kirine ku hem Kurd bi xwe û hem jî hemû gelên Îranê bikarin xwe ji vê rejîma zordar û totalîter rizgar bikin.”
KNK’ê da zînîn ku ew di wê baweriyê de ne ku divê Kurd ji van geşedan û guhertinên li Rojhilata Navîn bi giştî sûdê werbigirin û bi taybetî jî welatên ku Kurdistan dagir kirine, li ber guherînê ne. Herwiha dioyar kir ku Ji bo vê jî Yekitiya Neteweyî ya Kurd pêwîstiyeke jiyanî ye. Divê hêzên cuda yên yekîtiya neteweyî bên bihêzkirin û hemû hêz, nêrîn û armancên hevpar bi hev ve bêne girêdan.”
Kongreya Neteweyî ya Kurdistanê (KNK) di dawiya daxuyaniya xwe de Kiryarên şovenîst ên dewleta Îranê bi tundî şermezar kir û bang li xelkê azadîxwaz û demokrasîxwaz ê Kurdistan û Îranê kir ku li ser armanc û xebata xwe ya rewa berdewam bin û rê li ber komkujiyên dewletê bigirin.
