Di bin dirûşmey ’Azadî ji zaroktî de destpêdike, bi rihê zaroketiyê emê rêber APO rizgar bikin’ û bi serpereştiya Tevgera Hîlala Zêrîn li herêma Şehbayê 3’ê yenmîn Festîvala Hûnerî Ya Zarokan li navenda Çand û Hûnerê hat lidarxistin
Zana Roj/ Şehba
Di bin şert û mercên koçberiyê de û bi beşdarbûna bi sedan zarokên Efrînê ku li şehba dimînin, Tevgera Kevana Zêrîn, bi allîkariya Komîna Wênesaziyê û Tevgera Çand û Hûner re, 3 yemîn festîval a zarokan li ser asta herêma Efrînê lidarxist. Di festîvalê de giropên starn, guvend û wêneyên ji berhemên zarokan ku hatine xêzkirin, hatin pêşkêş kirin.
Festîval axaftina hevseroka herêma Efrînê Şêraz Hemo ve hat destpêkirin, Şêraz Hemo di destpêka axaftina xwe de 3 yemîn festîvala zarokan li hemû gel û zarokên Kurd pîroz kir û wiha axaftina xwe domand: “Em tavahî zarokên ku di komkûjiya Til Rifet de Şehîd ketine bi bîr tînin û em vê festîvalê diyarî giyanên wan yên pîroz dikin.
Şêraz di dawiya axaftina xwe de soz da û tekez kir ku ewê her tim li ser piyan bin û dev ji têkoşînê bernedin da ku ji tevahî zarokan re jiyaneke ewle û azad biafrînin.
Herwiha li ser navê Kevana Zêrîn û Komîteya Amedekar Ya Festîvalê Guney Mistafa ji rojnameya me re got, ev armanca me ji vê festîvalê ku em bikaribin hêvî û hezkirin di dilê zarokan de biçînin bi taybet di rewşa koçberiyê de em hewil didin kêf û şadiyê li ser rûyê wan bidin xuya kirin, herwiha da xuyakirin ku ewê her sal gavên mezintir ber bi serkeftinê ve biavêjin û bibin cihê hêvî û hezkirinê di dilê zarokan de.
