Navenda Nûçeyan /Qamişlo
HPG’ê diyar kir ku di çalakiyên gerîla de yên 19 û 20’ê Îlonê 16 dagirker hatine cezakirin û wesayiteke leşkerî ya bi tîpa kîrpî û droneyek hatin îmhakirin.
Navenda Ragihandin û Çapemeniyê ya HPG’ê bi daxuyaniyek diyar kir ku di çalakiyên hêzên wan de 16 dagirker hatin cezakirin ku 3 ji wan kontra bûn. Herwiha da xuyakirin ku wesayiteke leşkerî ya bi tîpa kîrpî û droneyek hatin îmhakirin.
HPG’ê ragehand ku li Geverê di şer de hevrêyên wan Eylem û Evîn yê bi ruhê Apoyî û lehengî şer kirin, şehîd bûn.
HPG’ê da xuyakirin ku artêşa Tirk a dagirker Qadên Berxwedanê 23 caran bi bombeyên qedexekirî, çekên kîmyewî û gazên îsotê, 9 caran bi balafirên şer, 68 caran bi helîkopterên êrîşê, bi dehan caran jî bi obus, hawan û çekên giran bombe kir.
HPG’ê da zanîn ku di 19’yê Îlonê de Îlonê de saet di li Qada Berxwedanê ya Çemço, tîmên wan yên bi tevger, komek ji dagirkeran xistin bin kontrola xwe û bi sûîqestê lê dan. Di vê çalakiyê de dagirkerek hate cezakirin. Herwiha da xuyakirin di 20’ê Îlonê de li Qada Berxwedanê ya Sacayê, tîmên wan yên bi tevger bi çekên giran li dagirkeran xistin û dagirkerek hate cezakirin.
HPG’ê da xuyakirin ku di 20’ê Îlonê li Qada Girê Şehîd Şahan a Xakurkê, tîmên wan yên bi tevger, bi çekên giran li wesayiteke leşkerî xistin, wesayita leşkerî bi îmha bû, 10 dagirkerên tê de hatin cezakirin. Herwiha di 20’ê Îlonê li Qada Berxwedanê ya Girê Cûdî, tîmên wan yên bi tevger li dagirkeran xistin û dagirkerek hate cezakirin.
HPG’ê da zanîn ku 19 ’yê Îlonê, li herêma navbera gundên Kapotê, Yekmalê û Darê yên navçeya Geverê ya Colemêrgê, di navbera du hevrêyên me û artêşa Tirk a dagirker de şer qewimî. Di vî şerî de 3 kontra hatin cezakirin. Herwiha da xuyakirin ku hevrêyên wan Eylem û Evîn şehîd bûn.