Navenda nûçeyan/ Qamişlo
Hêzên Ewlekariya Hundirîn bidawîkirina qonaxa duyem ya Operasyona ’Mirovî û Ewlehiyê’ ragehand û diyar kir ku li gorî pêwîstiyê, opereasyona hêzên wan yên li dijî şaneyên DAIŞ’ê di nava Kampa Holê de wê dewam bike.
Di 25`ê Tebaxa borî de, Hêzên Ewlekariya Hundirîn ya Bakur û Rojhilatê Sûriyê û bi piştgiriya QSD, YPJ û YPG’ê qonaxa dueymîn ji operasyona ‘Mirovî û Ewlehiyê’ li Kampa Holê ya rojhilatê Heskê dabû destpêkirin. Operasyon ku 24 rojan dewam dike, encamên berbiçav bidestxistin.
Derbarê bidawîkirina qonaxa duyem ji operasyona Mirovî û Ewlehiyê de, Hêzên Ewlekariya Hundirîn daxuyaniyek dan.
Hêzên Ewlekariya Hundirîn di daxuyaniya xwe de diyar kir ku di operasyonê de
hêzên wan karîbûn encamên girîng bi dest bixin û gelek kesên ku destê wan di kuştin, îşkence û di belav kirina terorê de hene, hatin girtin û wiha destnişan kir: “Hêzên me gelek nuqteyên ku ji aliyê çeteyên DAIŞ’ê ve ji bo perweredkirin û işkence kirinê hatibûn veqetandin, rûxandin. Herwiha Gelek jinên herî metirsîdar yên ku di demê dawê de erkên perwerdekirin û koştinê radibûn, hatin girtin.”
Hêzên Ewlekariya Hundirîn da xuyakirin ku di operasyonê de, Yekîneyên Parastina Jin YPJ`ê, du keçên Êzidî ji destê çeteyên DAIŞ`ê rizgar kirin û ew veguhestin hawirdoreke ewle û wiha got: “Yekîneyên Parstina Jin YPJ’ê di nava 4 salan de zêdetirî 200 kesên Êzidî rizgarkirin.”
‘ Divê hêzên navnetewî êdî çave xwe ji destekdayîna tirkî ya ji DAIŞ’ê re negire’
Hêzên Ewlekariya Hundirîn bang li aliyên pêwendîdar yên Navneteweyî kir ku, çavên xwe ji têkiliyên di navbera îstixbarata Tirk û şaneyên DAIŞ’ê yên li hundir û derveyê kampê de heye, negirin û wiha got: “Dewleta Tirk ya dagîrker hewil dide ku endam û malbatên çeteyên DAIŞ’ê bi qaçaxî ji kampê derxe û wan li herêmê dagîrkirî bicih bikin. Herwiha dixwaze wan çeteyan di êrişên nû yên ser herêmên me de bikar bîne.”
Li gorî daxyaniya Hêzên Ewlekariya Hundirîn hejmara girtiyên DAIŞ`ê û çekên desteserkirî di nava kampê de wiha ne:
226 kes ku di nav wan de 36 jinên ku beşdarî sûcên kuştin û tirsandinê bûne hatin girtin.
25 xideq û tûnel hatine dîtin û rûxandin.
Çekên hatin desteserkirin jî wiha ne :3 çekên AK-47, 2 Çekên RBG bi 2 rokêtan, 2 dabançe, 25 bombeyên destan, 25 kg teqemeniya TNT, 11 çekên bêdeng, 388 guleyên AK-47 ,
10 jerjorên AK-47 , 9 rextên leşkerî , Parçeyek cilê leşkerî yê artêşa Tirk,
Gelek çekên tûj (kêr – xencer ) û amûrên îşkenceyê û Gelek amûrên ragihandin.
