Di bin durişmeya “Tu Çareserî di Sûriyê Nîne Bê Projeya Demokratîk” Partiya Sûrya Pêşeroj komxebatek li Şehbayê li dar xist.
Zana Roj/Şehba
li herêma Şehbayê komxebatek bi serpereştiya Partiya Suriya Pêşeroj li navenda çand û hunerê li navçeya Fafînê hat li darxistin. Di komxebatê de endamên saziyan, partî û rûsipiyên eşîran beşdar bûn.
Têkildarî vê komxebatê berpirsê Ofîsa Têkiliyan ya Meclîsa Şehba û Efrînê, Mihemed Selamê ji rojnameya me re axivî.
Mihemed Selama diyar kir ku projeya Neteweya Demokratîk kilîta çareseriya kirîzê Sûryê ye û wiha got: “Di çareserkirina pirsgirêk û aloziyên ku di tavahî suriyê de tên jiyan kirin, projeya Neteweya Demokratîk kilîta çareseryê ye. Bêyî vê projeyê tu pirsgirêk wê neyên çareser kirin û divê hikumeta Şamê vê yekê ji xwe re bike esas. Komxebata me ji bo girtina nerîn û nîqaşên hevbeş li ser girîngiya pêkanîna projeya Neteweya Demokratîk li tevayiya herêmên Sûriyê de.”
Mihemed bal kişand ser herêmên ku pirojeya Neteweya demokratîk tê de hatiye pêk anîn û wiha axaftina xwe berdewam kir: ” Di herêmên Bakur û Rojhilatê Suriyê de di bin vê pirojeyê de mafê hemû pêkhate, ol û zimanan tên parastin. Herwiha parastina mafê jin weke dozeke sereke tê qebûl kirin û parastin, Netewa Demokratî hemû civakan di nava xwe de hembêz dike, ji ber vê jî divê ev piroje ji gelên Suriyê ve bê pejirandin.”
Mihemed di dawiya axaftina xwe de ev anî ziman: “Pirojeya Netewa Demokratîk sembola azadî, aşîtî û bi parastina mafê jin bingeh diger e. Em hewil didin ku di demên pêş de komxebatên li ser asta suriyê bidin çêkirin, herwiha ji bo çareserkirina aloziyan û pêşkêşkirina modêleke nû a demokrasiyê di Rojhilata Navîn de, divê ev piroje derbasî gîştî Rojhilata Navîn bibe.”