Gelê Efrîn û Şehbayê du şehîdên xwe oxir kirin

Endamê Hêza Ewlekariya Hundirîn Ismaîl û welatiya bi navê Emîra Xelef ku di êrîşa dawleta Tirk a dagir birîndar bibû û şehîd bû, li goristana Fafîn hatin oxir kirin.

Zana Roj /Şehba

Îro li herêma Şehbayê bi hezaran gelê Efrîn û Şehbayê, endamê Hêza Ewlekariya Hundirîn Ismaîl û welatiya bi navê Emîra Xelef ku di êrişa dewleta tirk ya dagirker de bi giranî birîndar bibû û şehîd bû, oxir kirin.

Girseya gel cenazeyê her du şehîdan ji Nexweşxaneya Avrîn girtin û ber bi gorstana Fafînê ve çûn.

Marasîmê oxirkirinê bi deqeyeke rêzgirtin hat dest pê kirin, her wiha li ser navê meclîsa malbatên Şehîdan û Meclîsa Kantona Şehbayê axaftin hatin gotin.

Endamê Meclîsa Malbatên Şehîdan Menal Şêxo diyar kir ku rojane gelê ku li herêma Şehbayê jiyan dike rastî êrîşên dewleta Tirk a dagirker tê, armanca dewleta faşîst ji van êrîşan şikandin û pûçkirina îradeya gelê herêmê ye, lê bi saya şervanên ku jiyana xwe ji bo parastina vî gelî kirine qurban wê tu carî dujmin neghîne armança xwe.

Endama Meclîsa Kantona Şehbayê fatmê Cibo bal kişand ser komkûjiyên ku di derheqê gelê Efrînê de tê kirin û wiha got: “Bi sedê carane ku dewleta Tirk komkûjiyan li dijî gelê me dike û sivîl û zarokan dike armanc. Dagirkeryia tirk bi siyaseta xwe ya bêexlaq dixwaze gel qir bike.

Fatma Cibo da zanîn ku li ber çavên cîhanê gelê Kurd di qirkirin û kuştinê re derbas dibe û axaftina wiha qedand: ” Em bang tavahî rêxistinên mirovî û navnetewî dikin ku li hember kiryarên dewleta tirk ya dagirker bê deng nemînin.”

Di dawiyê de wesîqeya şehadeta her du hevalan hat xwendin û hatin oxir kirin.