Navenda Nûçeyan / Qamişlo
Hêzên Rizgariya Efrînê (HRE) diyar kirin ku di çalakiyên wan yên li dijî artêşa Tirk a dagirker û çeteyên li gundewarên bakurê Helebê de 4 leşkerên artêşa Tirk ya dagirker û 12 çeteyên wê hatin kuştin.
FacebookTwitterWhatsAppTelegram
Hêzên Rizgariya Efrînê (HRE) çalakiyên xwe yên li dijî dewleta tirk ya dagirker û çeteyên wê roj bi roj zêde dike. HRE’yê bi daxuyaniyêkê ragehand ku di ancama çalakiyên bersivdayînê de, herî kêm 16 dagirker hatin kuştin.
HRE’yê di daxuyaniya xwe de diyar kir ku li hember êrişen dagirkeriya tirk û çeteyên wê, di çarçoveya parastina rewa de, hêzên wan derbeyên giran li dagirkeran dan.
HRE’yê da zanîn ku di roja 23’yê Tebaxê de, li gundê Meryemînê ya navçeya Şera, li hember baregeha artêşa Tirk a dagirker çalakiyek taybet hat lidar xistin û di encamê de 2 leşkerên dagirker hatin kuştin, 1 leşker jî birîndar bû. Herwiha diyar kir ku di roja 4′ ê Îlonê de, li gundê Kil Cibrîn ya navçeya Ezazê, li dijî baregehek artêşa Tirk a dagirker çalakiyek hat lidar xistin û di encamê de leşkerek hat kuştin, 2 leşker jî birîndar bûn.
HRE’yê da xuyakirin ku di 7’ê Îlonê de, li eniya Hirbilê ya girêdayî herêma Şehba, di çalakiyek de 4 çete hatin kuştin, 1 çete jî birîndar bû û erebeyek çeteyan jî hat rûxandin. Herwiha da zanîn ku di roja 8’ê Îlonê de, nêzî gundê Şêx Îsa ya girêdayî bajaroka Til Rifatê di encama çalakiyekê de leşkerek dagirker hat kuştin.
HRE’yê diyar kir ku di 9’ê Îlonê de, li Cerablûs û li bejahiya herêma Efrînê du çalakiyên bibandor hatin li dar xistin û di encamê de 2 çete hatin kuştin. Herwiha anî ziman ku di çalakiya din de jî depoyek cebilxaneyê ya çeteyên dagirker hat hedef girtin. Di encamê de 6 çete hatin kuştin, depoya cebilxane bi temamî hat ruxandin.
Di encama van çalakiyên me anîn ziman bi giştî 4 leşker û 12 çete hatin kuştin, 3 leşker û çeteyek jî birîndar bûn.