Navenda Nuçeyan
Serokê Hevpeymaniya Serweriya Sunnî Xemîs Xencer li gel Serokê Îstîxbarata MÎT’a Tirk Hakan Fîdan li Bexdayê civiya.
Êrişên dewleta Tirk a dagirker yên li ser Başûrê Kurdistanê bê navber didomin. Dewleta Tirk a dagirker bi balefiran bi çekên kîmyayî sivîlan qetil dike û xwezayê tarumar dike.
Serokê Hevpeymaniya Serweriya Sunnî Xamis Xencer li Bexdayê li gel Serokê Îstîxbarata MÎT’ê ya dewleta Tirk a dagirker Hakan Fîdan re civiya.
Di vê pêvajoyêde hevdîtin balkêşe
Hevdîtina ku hatî kirin di demek wisa de ye ku dewleta Tirk li herêmên Zap, Metîna û Avaşînê windahiyên mezin dide, pêkhatiye.
Hêjayî gotinê ye Serokê Hevpeymaniya Serweriya Sunnî Xamis Xencer ji beriya êrişên dewleta Tirk yên di meha Nîsanê de dayî destpêkirin, di 26’ê Sibata sala 2022’an de li gel Serokkomarê dewleta Tirk Erdogan re civiyabû.
Tirk Dixwazin Ji Tevlîheviya Hûndirîn Ya Iraqê Sûdê Werbigrin
Di êrişên herî dawî yên dewleta Tirk a dagirker yên li ser Başûrê Kurdistanê de gelek sivîl hatin qetilkirin. Di komkujiya ser gundê Perex a girêdayî Zaxoyê de 9 kes jiyana xwe ji dest dabûn û 33 kes jî birîndar bibûn. Herwiha herî dawî balafira bê mirov ya dewlet a Tirk a dagirker malek penaberên wargeha Şehîd Rûstem Cûdî mexmûrê kiribû hedef, di encama êrişa hovane de welatiyê bavê 6 zarokan ê bi navê Ebûzêd Dêrhînî jiyana xwe ji dest da bû.
Li gel ku bang û daxwazên li hemberî êrişên dewleta Tirk a dagirker her ku diçe zêdetir dibe, dewleta Tirk bi destê PDK’ê li Iraqê di navenda siyasetê de krîzan li dardixe ku nerazîbûnên li hemberî berfirehkirina êriş û dagirkeriya xwe lewaz bike.